V Dúnıejúzilik kóshpendiler oıynynda ár óńir bes kıiz úıden tigedi

<p>ASTANA. KAZINFORM &ndash; Astana qalasynda ótetin V Dúnıejúzilik kóshpendiler oıyndary kezinde etnoaýylda bir túste, bir qalypta ondaǵan kıiz úı tigiledi.</p>

Bul týraly búgin Týrızm jáne sport mınıstrliginde dene shynyqtyrý jáne sport, oıyn bıznesi men lotereıa qyzmetin retteý salalaryndaǵy 2023 jylǵy qyzmeti men 2024 jylǵa qoıylǵan negizgi mindetteri týraly keńeıtilgen alqa májiliste V Dúnıejúzilik kóshpendiler oıyndaryn uıymdastyrý jáne ótkizý dırektsııasy dırektorynyń orynbasary Abylaı Qondybaev málim etti.

«V Dúnıejúzilik kóshpendiler oıyndary bıylǵy elordamyzda ótetin basty oqıǵalardyń biri. Oıyndardyń bastalýyna 205 kún qaldy. Biz barlyq daıyndyq jumystaryn úsh kezeńge bólgen bolatynbyz. Jospar boıynsha birinshi kezeńdi aıaqtap, ekinshi kezeńdi bastap jatyrmyz. Barlyq jumys jospar boıynsha júrip jatyr. Oıyndarǵa 100-den astam memleketten 4000-ǵa jýyq sportshy qatysyp, Astanaǵa 100 myńnan astam týrıst keledi dep josparlap otyrmyz. Atalǵan oıyndar kezinde etnoaýylǵa elimizdiń ár óńiri 5 kıizden úı tigedi», — dep atap ótti Abylaı Qondybaev.

Sondaı-aq, kóshpendiler oıynynda sportshylar qansha sport túrinen baq synaıtynyn da tilge tıek etti.

«Asyq atý, ordo, arqan tartys, báıge, kókpar, aýdaryspaq, teńge ilý, qazaq kúresi, alysh, kýrash, ashyrtmaly aba gıýreshı, ssırym, mas-restlıng, Powerfull nomad (kúshtilerdiń saıysy), toǵyzqumalaq, mangala, ovarı, dástúrli sadaq atý, jamby atý, qusbegilikten saıystar ótedi. Sondaı-aq, 10 kórneki sport saıysynan jarystar ótkizýdi kózdep otyrmyz. Dúnıejúzilik kóshpendiler oıyndarynyń ashylý saltanaty «Astana-Arena» stadıonynda, jabylýy 10 myń adamdyq „Qazanat“ ıppodromynda ótedi dep josparlanǵan», — dedi ol baıandamasynda. 

Aıta keteıik, V Dúnıejúzilik kóshpendiler oıyny bıyl 8-14 qyrkúıek aralyǵynda Astana qalasynda ótedi.