V Dúnıejúzilik kóshpendiler oıyny nesimen este qaldy
8-13 qyrkúıek kúnderi ótken kóshpendiler Olımpıadasyna 90-ǵa jýyq memleketten 2500-den astam sportshy qatysyp, 21 sport túrinen 97 medal jıyntyǵyn sarapqa saldy.
Endi osy álem nazaryn Astanaǵa aýdarǵan bási bıik dodanyń qalaı ótkenin, nesimen este qalǵanyna taǵy bir qysqasha sholý jasap ótsek.
V Dúnıejúzilik kóshpendiler oıyndary aıasynda apta boıy 21 sport túrinen saıystar, «Kóshpendiler ǵalamy» etnoaýylynda mádenı sharalar, ǵylymı baǵdarlama sheńberinde «Kóshpendiler: tarıh, bilim, sabaqtar» atty ǵylymı-praktıkalyq koferentsııa uıymdastyryldy.
«Qazanat» ıppodromy mańyndaǵy etnoaýylda 100-den asa mádenı is-shara uıymdastyryldy. Elimizdiń barlyq óńirinen jınalǵan ónerpazdar kúndelikti kontsertter, aýylsharýashylyǵy jármeńkelerin, kórme, aıtys saıysyn ótkizdi. Belgili fotojýrnalıst Djımmı Nelson kıiz úı ishinen fotostýdııa qurdy. Sondaı-aq, UNESCO, UNICEF, Alageum kıiz úıleri tigildi.
21 sport túri qamtylǵan saıystar alty kún boıy 6 túrli nysanda ótti. Naqtyraq aıtsaq, «Qazanat» ıppodromy, «Arǵymak» sport alańy, etnoaýyl, J. Úshkempirov atyndaǵy jekpe-jek saraıy, «Alaý» muz saraıylarynda sportshylarymyz ózara myqtyny anyqtady.
V Dúnıejúzilik kóshpendiler oıyndaryn uıymdastyrý dırektsııasy ádepkide, etnosporttyń 21 túri boıynsha 97 medal jıyntyǵy sarapqa salynady dep jarııalaǵan bolatyn. Sheteldik quramalardyń ótinishi boıynsha jarys barysynda dástúrli sadaq atýdan qosymsha «put», «qalqan» jáne «jamby» nysanalary boıynsha qyzdar saıysy qosylyp, medal jıyntyǵy 100-ge jetti. Qazaqstan sportshylary 112 medalmen kósh bastady. Onyń 43-i altyn, 32-i kúmis jáne 37-si qola júlde.
Ekinshi oryndy Qyrǵyzstan oıynshylary enshiledi. Qyrǵyz sportshylarynyń qorjynyna 65 medal tústi. Onyń 19-y altyn, 21-i kúmis jáne 25-i qola medal.
Medal sany boıynsha úshinshi oryndy Reseı sportshylary ıelendi. Olar 12 altyn, 12 kúmis jáne 25 qola – jalpy 49 medal jeńip aldy.
Oıyndarǵa qatysýshylardyń kóbi – qazaqstandyqtar. Elimizden 195, Qyrǵyzstannan 172, Reseıden 144 sportshy qatysty.
Qatysýshylar men qonaqtarǵa 1600-ge jýyq volonter kómektesip júrdi.
Etnoaýylda ótken jabylý rásimine sportshylar da qatysty. Olardy 1000-ǵa jýyq volonter men etnoaýyl qonaqtary qoshemetpen qarsy aldy. Jıynda Dúnıejúzilik etnosport konfederatsııasynyń prezıdenti Nejmeddın Bilál Erdoǵan, Qazaqstannyń Týrızm jáne sport mınıstri Erbol Myrzabosynov, Qyrǵyzstan Respýblıkasynyń Mádenıet, aqparat, sport jáne jastar saıasaty mınıstri Altynbek Maqsutov, 5-shi Dúnıejúzilik kóshpendiler oıyndaryn daıyndaý jáne ótkizý dırektsııasynyń jetekshisi Naıl Nurov sóz sóıledi.
Endi 6-shy Dúnıejúzilik kóshpendiler oıyndary Qyrǵyzstanda ótedi. Bul týraly Nejmeddın Bilál Erdoǵan saltanatty jıyn barysynda habarlady. Ol kóshpendiler oıyndary Qyrǵyzstanǵa oralatynyn aıtyp, Altynbek Maqsutovqa DKO sımvoly – torsyqty tabystady.
«Qazanat» ıppodromynyń janynda boı kótergen «Kóshpendiler álemi» etnoaýylynda ótken 5-shi Dúnıejúzilik kóshpendiler oıyndarynyń jabylý saltanatyna Týrızm jáne sport mınıstri Erbol Myrzabosynov, Dúnıejúzilik etnosport konfederatsııasynyń prezıdenti Bilál Erdoǵan qatysyp, sóz sóıledi. E.Myrzabosynov baıraqty báseke ulttyq sportymyzdy ulyqtap, salt-dástúrimizdi dáriptep, mádenı muramyzdy tórtkúl dúnıege pash etken biregeı oqıǵa retinde tarıhta qalǵanyn atap ótti.
«Memleket basshysy Qasym-Jomart Toqaevtyń tikeleı bastamasymen qazaq topyraǵynda uıymdastyrylǵan Dúnıejúzilik kóshpendiler oıyndary – máni tereń, mazmuny baı biregeı joba. Onyń túrki áleminiń altyn besigi – Qazaq jerinde jalaýyn jelbiretkeni – biz úshin zor mártebe ári shyn maqtanysh. Oıyndarda 30-dan astam eldiń sportshylary medal ıelendi. Júlde alǵan memleketter qatarynda muhıttyń arǵy jaǵynan kelgen Kanada men Meksıka sportshylary da bar. Dúbirli dodaǵa 90-ǵa jýyq memlekettiń qatysýy, 30-dan astam eldiń júldegerler qatarynan kórinýi – dúnıejúzinde kóshpendiler oıyndaryna degen qyzyǵýshylyqtyń artyp kele jatqanyn ańǵartady. Kelesi, 6-shy Dúnıejúzilik kóshpendiler oıyndaryn baýyrlas memleket – Qyrǵyz Respýblıkasy qabyldaıdy. Qyrǵyz eliniń aldaǵy básekeni joǵary deńgeıde ótkizýine tilektespin. Kóshpendiler Olımpıadasynyń bedeli bıikteı bersin!», – dedi Erbol Myrzabosynov.
Endi eki jyldan keıin kelesi kezekti Dúnıejúzilik kóshpendiler oıyny Qyrǵyzstanda ótetin bolady.
V Dúnıejúzilik kóshpendiler oıyndarynda medal jeńip alǵan elder tizimi:
# | Elder | Altyn | Kúmis | Qola | Barlyǵy |
1 | QAZAQSTAN | 43 | 32 | 37 | 112 |
2 | QYRǴYZSTAN | 19 | 21 | 25 | 65 |
3 | RESEI | 12 | 12 | 25 | 49 |
4 | ÓZBEKSTAN | 11 | 12 | 11 | 34 |
5 | TÚRKIıA | 2 | 2 | 2 | 6 |
6 | IRAN | 1 | 3 | 9 | 13 |
7 | MAJARSTAN | 1 | 2 | 5 | 8 |
8 | TÚRІKMENSTAN | 1 | 1 | 2 | 4 |
9 | RÝMYNIıA | 1 | 1 | 1 | 3 |
10 | POLЬShA | 1 | 1 | 0 | 2 |
11 | ÚNDІSTAN | 1 | 0 | 5 | 6 |
12 | QYTAI | 1 | 0 | 5 | 6 |
13 | MOLDOVA | 1 | 0 | 5 | 6 |
14 | INDONEZIıA | 1 | 0 | 1 | 2 |
15 | FRANTsIıA | 1 | 0 | 1 | 2 |
16 | AÝSTRALIıA | 1 | 0 | 0 | 1 |
17 | ITALIıA | 1 | 0 | 0 | 1 |
18 | NIGERIıA | 1 | 0 | 0 | 1 |
19 | MOŃǴOLIıA | 0 | 5 | 9 | 14 |
20 | GRÝZIıA | 0 | 3 | 5 | 8 |
21 | ÁZERBAIJAN | 0 | 2 | 5 | 7 |
22 | GANA | 0 | 1 | 1 | 2 |
23 | KANADA | 0 | 1 | 1 | 2 |
24 | MEKSIKA | 0 | 1 | 0 | 1 |
25 | TÁJІKSTAN | 0 | 0 | 6 | 6 |
26 | NIDERLANDY | 0 | 0 | 4 | 4 |
27 | PÁKІSTAN | 0 | 0 | 3 | 3 |
28 | BELARÝSЬ | 0 | 0 | 2 | 2 |
29 | LATVIıA | 0 | 0 | 1 | 1 |
30 | SLOVAKIıA | 0 | 0 | 1 | 1 |
31 | TAILAND | 0 | 0 | 1 | 1 |
32 | TOGO | 0 | 0 | 1 | 1 |
33 | ESTONIıA | 0 | 0 | 1 | 1 |