ASTANA. KAZINFORM — Búgin Astanada V Dúnıejúzilik kóshpendiler oıynynyń alǵashqy bıleti satyldy. Ony Dúnıejúzilik Etnosport konfederatsııasynyń prezıdenti Bilál Erdoǵan satyp aldy.
Bilál Erdoǵan kóshpendiler oıynynynda qazaq kúresinen ótetin jarystyń tamashalamaq.
Búl kúnderi tól kúresimiz – qazaq kúresi halyqaralyq arenada qarqyndy damyp keledi. Dúnıejúzilik Etnosport konfederatsııasy qazaq kúresiniń halyqaralyq olımpıadalyq qozǵalysqa qosylyp, onyń ilgerilep damýyna úlken qyzyǵýshylyq tanytyp otyr.
Atalǵan sporttyq is-shara 12 qyrkúıek kúni, saǵat 16.00-de Jaqsylyq Úshkempirov atyndaǵy Jekpe-jek saraıynda ótedi.
Aıta ketsek, 21 naýryz kúni EXPO Halyqaralyq kórme ortalyǵyndaǵy 5-shi Dúnıejúzilik Kóshpendiler oıyndarynyń keri sanaq taqtasy iske qosylǵan bolatyn.
Kúnsultan Otarbaı
Eýrazııa Ulttyq ýnıversıtetiniń túlegi. Respýblıkalyq «Qazaq sporty», «Sport» gazetterinde qyzmet atqarǵan.
2014 jylǵy Sochı, 2016 jylǵy Rıo-De Janeıro, 2017 jylǵy Inchhon jáne 2024 jylǵy Parıj Olımpıadasynda, sonymen qatar bir qansha Qysqy jáne Jazǵy Azııa oıyndarynan, álem birinshilikterine baryp tikeleı habar taratqan jýrnalıst.
Seıdaqmet Berdiqulov atyndaǵy arnaıy syılyqtyń laýreaty.