V.Chelahtyń qoldaýhaty 4 aqpanda Joǵarǵy sotta qaralmaq
18:44, 03 Aqpan 2014
ASTANA. QazAqparat - QR Joǵarǵy soty áskerı bólimde bir top sarbazdy atyp óltirdi degen aıyppen jazaǵa tartylǵan Vladıslav Chelahtyń qoldaýhatyn 4 aqpan kúni qaraıtyn bolady. Bul týraly Joǵarǵy sottyń resmı saıtynda habarlandy.
«QR Joǵarǵy sotyna ómir boıy bas bostandyǵynan aıyrý jazasyna kesilgen Vladıslav Chelahtyń qoldaýhaty tústi», - delingen habarlamada.
Qylmystyq-protsessýaldyq kodeks baptaryna sáıkes ómir boıyna bas bostandyǵynan aıyrý jazasyna kesilgen tulǵalardyń qoldaýhattary Joǵarǵy sottyń qadaǵalaýshy sot alqasynyń otyrysynda qaralýy tıis. Qoldaýhatta onyń isin qaıta qaraý jóninde ótinish jazylǵan.
Eske sala keteıik, V.Chelah «Arqankergen» shekara qosynynda 15 adamdy óltirdi degen aıyppen 2012 jyly sottalǵan bolatyn.