Uzynaǵash stansasyna jolaýshylardy avtobýstar tegin jetkizetin bolady

ALMATY. QazAqparat - Almatydan Uzynaǵash pen Qapshaǵaıǵa qatynaıtyn poıyzdar iske qosylǵaly beri 1,5 aı ótti, dep habarlaıdy QazAqparat tilshisi.

Bul kólik Almaty aglomeratsııasyn damytý baǵdarlamasy aıasynda ashyldy.

Qalalyq Kólik jáne avtomobıl joldary basqarmasynyń basshysy Maqsut Isahovtyń aıtýynsha, almatylyqtar arasynda bul qatynas quralyna suranys kóp.

«Qapshaǵaı baǵytyndaǵy jolaýshylar aǵyny alǵashqydaǵydan 2 ese artty. Táýligine 700 jolaýshy qatynaıdy. Uzynaǵash baǵytyna kelsek, jolaýshylar aǵyny baıqalmaıdy. Sebebi, munda «Qazaqstan temir joly» kompanııasy jóndeý jumystaryn júrgizip jatyr. 10 qazanǵa deıin atalǵan ýchaskede jóndeý jumystary aıaqtalady», - dedi M.Isahov.

Qazir Uzynaǵash baǵytynda jol júrý kestesi yńǵaısyzdyq týdyryp otyr. Poıyzdar adamdar jete almaıtyn jerlerge toqtap júr.

«10 qazannan bastap «Turan Ekspress» kompanııasy jolaýshylardy  aýyldardan poıyz stansasyna deıin tegin jetkizetin avtobýstar shyǵarady», - dedi ol.

Syrttan qatynaıtyn poıyzdarda jol júrý quny 80 teńge, «Ońaı» júıesimen tóleýge bolady.

Almaty ákimdigi osy baǵytta 280 mln teńge demeýqarjy bólip otyr.