Ujymdyq ımmýnıtetti qalyptastyrmaıynsha koronavırýs tarala beredi - Aıjan Esmaǵambetova

NUR-SULTAN. QazAqparat – COVID-19 indetiniń mýtatsııalaý protsesi týraly QR Densaýlyq saqtaý mınıstrligi sanıtarııalyq-epıdemıologııalyq baqylaý komıtetiniń tóraǵasy Aıjan Esmaǵambetova aıtyp berdi, dep habarlaıdy QazAqparat tilshisi.

«Biz indetten 100 paıyz qorǵaý týraly aıtyp otyrǵan joqpyz. Vaktsına alǵan azamat koronavırýsqa shaldyqqannyń ózinde, kúresý jeńilge soǵady jáne olar aýrýhanaǵa jatqyzylmaıdy. Patsıent aýrýhanaǵa jatqyzylǵannyń ózinde syrqatty jeńil kóteredi, reanımatsııaǵa jatqyzylmaıdy jáne ÓJA (ókpeni jasandy jeldetý apparaty) kómegi qajet etpeıdi. Іndentke shaldyǵýdyń sımptomsyz belgisine kelsek, ótken jyly elimizde koronavırýs etek jaıa bastaǵanda sımptomsyz aýyrǵandar 80 paıyzdy, al sımptommen 20 paıyzdy qurady. Vırýs mýtatsııalanyp jáne brıtandyq shtamm paıda bolǵannan keıin sımptomdyq belgilermen aýyrǵandardyń sany artty. ıAǵnı 60/40-ty qurady. Qazir delta-shtamynyń taraýyna baılanysty jaǵdaı múldem ózgerip otyr. Búginde atalǵan indetke sımptomsyz shaldyǵandar aıtarlyqtaı az», - dedi Aıjan Esmaǵambetova OKQ-de ótken baspasóz máslıhatynda.

Onyń aıtýynsha, búginde koronavırýs juqtyrýshylardyń 80 paıyzy sımptomdy jáne 20 paıyzy sımptomsyz kórsetkishti quraıdy.

«Joǵaryda aıtylǵan statıstıka vırýstyń mýtatsııalanyp, odan ári taralyp jatqanyn kórsetip otyr. ıAǵnı biz ujymdyq ımmýnıtettiń qalyptastyrmaıynsha koronavırýs tarala beredi. Odan saqtaný óz qolymyzda», - deıdi ol.

Buǵan deıin A. Esmaǵambetova Qazaqstanda salynǵan vaktsına pasportyn álemde 7 eldiń moıyndaǵanyn málim etti.