Ujymdyq ımmýnıtet qalyptastyrý úshin qansha adam vaktsına alýy kerek
Ortalyq kommýnıkatsııalar qyzmetindegi baspasóz máslıhatynda KVI-diń jańa shtamdarynyń paıda bolýyn eskere otyryp, ujymdyq ımmýnıtet qalyptastyrý úshin Qazaqstan halqynyń qansha úlesi vaktsına saldyrýy kerektigi suraldy.
QR DSM Ulttyq Ftızıopýlmonologııa ǵylymı ortalyǵy dırektorynyń klınıkalyq jáne ǵylymı jumystar jónindegi orynbasary Lázzat Eralıevanyń paıymynsha, Qazaqstan halqynyń jalpy sanyn eskere otyryp, ujymdyq ımmýnıtet qalyptastyrý úshin 10-11 mln adam vaktsına alýy kerek.
Óz kezeginde QR DSM Qoǵamdyq densaýlyq saqtaý ulttyq ortalyǵynyń «Sanıtarııalyq-epıdemıologııalyq saraptama jáne monıtorıng ǵylymı- praktıkalyq ortalyǵy» fılıaly dırektorynyń orynbasary Manar Smaǵul KVI-ge qarsy vaktsına balalar men júkti áıelderge salynbaıtynyn eske saldy.
«Ózderińiz bilesizder, Densaýlyq saqtaý mınıstrligi tarapynan bıyl 10 mln adamǵa vaktsına salý boıynsha jospar jarııalanǵan bolatyn. Eger biz vaktsınatsııalaýǵa jatatyn adamdardyń 80 paıyzyna ekpe salynsa, ıaǵnı 18-den asqan adamdar ekpe alsa, bul ońtaıly deńgeı KVI tserkýlıatsııasyn azaıtyp, qalypty ómir jaǵdaıyn oralýǵa múmkindik beredi», - dedi M. Smaǵul.
Aıta keteıik, QR DSM Qoǵamdyq densaýlyq saqtaý ulttyq ortalyǵy basqarma tóraǵasynyń orynbasary Aınagúl Qýatbaeva júktilikti vaktsınalaýdan keıin 2 aı ótken soń josparlaýǵa bolatynyn jetkizdi.
Budan buryn habarlanǵandaı, Úkimet basshysy Asqar Mamın sáýir aıynan bastap óńirlerde aı saıyn 2 mıllıon adamǵa vaktsına salynatynyn aıtty.
Qyrkúıek aıynda jalpy 10 mıllıon azamatqa ekpe salynyp, vaktsınalaý jumysy aıaqtalady.