Ujymdyq jazalaý: BUU ókili Izraıldiń aýrýhanalarǵa shabýylyn aıyptady

<p>Kúzetiletin aýrýhanalarǵa shabýyl jasaý &ndash; halyqaralyq gýmanıtarlyq quqyqty buzý. Bul týraly <a href="https://www.aa.com.tr/ru/%d0%bc%d0%b8%d1%80/%d0%be%d0%be%d0%bd-%d0%bd%d0%b0%d0%bf%d0%b0%d0%b4%d0%b5%d0%bd%d0%b8%d1%8f-%d0%bd%d0%b0-%d0%b1%d0%be%d0%bb%d1%8c%d0%bd%d0%b8%d1%86%d1%8b-%d1%8f%d0%b2%d0%bb%d1%8f%d1%8e%d1%82%d1%81%d1%8f-%d0%bd%d0%b0%d1%80%d1%83%d1%88%d0%b5%d0%bd%d0%b8%d0%b5%d0%bc-%d0%bc%d0%b5%d0%b6%d0%b4%d1%83%d0%bd%d0%b0%d1%80%d0%be%d0%b4%d0%bd%d0%be%d0%b3%d0%be-%d0%b3%d1%83%d0%bc%d0%b0%d0%bd%d0%b8%d1%82%d0%b0%d1%80%d0%bd%d0%be%d0%b3%d0%be-%d0%bf%d1%80%d0%b0%d0%b2%d0%b0/3038915" target="_blank" rel="noopener">Anadoly agenttiginiń</a>&nbsp;suraǵyna jaýap bergen BUU-nyń Adam quqyqtary jónindegi Joǵarǵy komıssary keńsesiniń resmı ókili Elızabet Trossell málimdedi, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

Trossell ujymdyq jazalaý tájirıbesi de halyqaralyq quqyqty buzatynyn aıtty.

Ol osyǵan baılanysty Gaza sektorynyń turǵyndary negizgi azyq-túlik pen qyzmetterge qol jetkize almaı qalǵanyn eske saldy.

Izraıl – Palestına shıelenisi

7 qazan kúni tańerteń HAMAS-tyń «Izz ad-Dın ál-Qassam brıgadalary» áskerı qanaty Izraılge qarsy «Ál-Aqsa tasqyny» operatsııasynyń bastalǵanyn habarlady. Gaza sektorynan Izraılge qaraı myńdaǵan zymyran atylyp, qarýly toptar Izraıl eldi mekenderine basyp kirdi.

HAMAS bul operatsııanyń okkýpatsııalanǵan Shyǵys Ierýsalımdegi Ál-Aqsa meshitine jasalǵan shabýyl jáne ızraıldik qonystanýshylar tarapynan palestınalyqtarǵa zorlyq-zombylyqtyń kúsheıýine jaýap retinde jasalǵanyn aıtty.

Buǵan jaýap retinde Izraıl armııasy ondaǵan joıǵysh ushaqty paıdalanyp, Gaza sektorynda HAMAS-qa qarsy «Temir qylyshtar» operatsııasyn bastaıtynyn málimdedi.

Izraıl-Palestına qaqtyǵysy ýshyǵa bastaǵannan beri 8,5 myńnan astam palestınalyq qaza tapty. Resmı derek boıynsha, kóz jumǵan palestınalyqtardyń 70 paıyzǵa jýyǵy – áıelder men balalar.

Izraılde qaza bolǵandar sany 1500 adamnan asty.

Gaza sektorynyń 2,3 mln turǵyny Izraıldiń jappaı áýeden bombalaýynan jáne anklavtyń tolyq blokadasy saldarynan bolǵan azyq-túlik, sý jáne dári-dármek tapshylyǵynan zardap shegip otyr.

BUU Bas Assambleıasy gýmanıtarlyq júk jetkizý úshin atysty dereý toqtatýǵa shaqyrdy. Bul rette Iordanııa usynǵan qarardy 120 memleket qoldady. Alaıda Izraıl bul usynysty qabyldamady.