«Úzdik pedagog» baıqaýynyń ár jeńimpazyna 3,6 mln teńge syıaqy berildi

<p>ASTANA. KAZINFORM &ndash; Astanada &laquo;Úzdik pedagog - 2024&raquo; respýblıkalyq baıqaýynyń jeńimpazdary marapattaldy. Baıqaýǵa mektepter men kolledjderden 1 750 muǵalimi qatysyp, arasynda 64 pedagog óz isiniń úzdigi retinde tanyldy. Bul týraly elorda ákimdiginiń baspasóz qyzmeti málim etti.&nbsp;</p>

Respýblıkalyq baıqaý jeńimpazdary «Úzdik pedagog» kýáligimen, «Úzdik pedagog» tósbelgisimen jáne 1000 AEK (3,6 mln teńgeden astam) mólsherinde syıaqymen marapattaldy.

Foto: Astana qalasynyń ákimdigi

Sondaı-aq saltanatty sharada oqý-aǵartý júıesiniń birqatar qyzmetkerine «Eren eńbegi úshin», «Eńbek ardageri» medalderi, «Y. Altynsarın», «Bilim berý isiniń qurmetti qyzmetkeri» tósbelgileri jáne basqa da vedomstvolyq nagradalar tapsyryldy. 

«Úzdik pedagog-2024» baıqaýyn jeńgen astanalyq ustazdar:

• J.Jabaev atyndaǵy №4 mektep-gımnazııasynyń hımııa páni muǵalimi Aqmaral Qojantaeva;
• S.Qojanov atyndaǵy №64 mektep-lıtseıiniń geografııa pániniń muǵalimi Baıan Qyrǵyzbaeva;
• №73 mektep-lıtseıiniń sharý tarıh pániniń muǵalimi Gúlnazııa Uzaqbaıqyzy;
• №46 balabaqsha-mektep-gımnazııasynyń geografııa páni muǵalimi Andreı Hlybov;
• Joǵary kólik jáne kommýnıkatsııa kolledjiniń arnaıy pánder oqytýshysy Aınagúl Súndetova.

Respýblıkalyq «Úzdik pedagog» baıqaýy 2012 jyldan beri ótkizilip keledi. Osy ýaqyt aralyǵynda baıqaý aıasynda mektepke deıingi jáne orta, tehnıkalyq jáne kásiptik bilim berý uıymdarynyń 600-ge jýyq úzdik pedagogi anyqtaldy.

Eske sala keteıik, buǵan deıin el tarıhynda alǵash ret eki pedagog «Qazaqstannyń eńbek eri» ataǵyn alǵanyn jazǵan bolatynbyz.