Úzdikter irikteletin ýaqyt keldi – Azamat Birjanov
Onyń aıtýynsha, elimizdiń saıası ómirine tyń serpin bergen praımerızdiń daýys berý kezeńi júrip jatyr.
«Búgin ár partııa múshesi óziniń laıyqty dep tanyǵan tulǵasyna qoldaý bildirip, onlaın, nemese oflaın formatta daýys berip jatyr. Qazirgi partııa tarapynan ótip jatqan praımerız partııa Tóraǵasy, Elbasy Nursultan Nazarbaevtyń 2019 jylǵy 17 tamyzda ótken keńeıtilgen saıası keńes otyrysynda bergen «Senim. Dıalog. Bolashaqqa nyq qadam – «Nur Otan» partııasynyń 7 serpini» atty partııa jumysyn júıeli jańǵyrtý baǵdarlamasy aıasynda «qaıta jandandyrý» tapsyrmasynan týyndaıdy» - deıdi Azamat Birjanov
Ol atap ótkendeı, praımerızdiń negizgi maqsaty – partııaishilik saılaýda óndirip is atqaratyn, el aldyna shyǵar kóshbasshyny tańdaý. Praımerızdiń mindeti – «Myqty lıderler – myqty partııa» qaǵıdaty boıynsha shynaıy jáne myqty kóshbasshylardy partııa qataryna tartý. Kandıdattar oblys turǵyndaryn tolǵandyratyn ózekti máselelerdi kóterip, naqty sheshý joldaryn usynatyndaryna senimdimin. Ár kandıdattyń saılaýaldy baǵdarlamalary partııa platformasyna, Prezıdent Joldaýyna jáne aýmaqtyq partııa saılaýaldy baǵdarlamasyna negizdelgen.