Úzdik JOO oqytýshysy baıqaýynyń birinshi kezeńi bastaldy

NUR-SULTAN. QazAqparat - «Joǵary oqý ornynyń úzdik oqytýshysy» baıqaýynyń birinshi kezeńi bastaldy, dep habarlaıdy QazAqparatQR Bilim jáne ǵylym mınıstrliginiń Telegram kanalyna silteme jasap.

Konkýrsqa ǵylymı-pedagogıkalyq salada úzdiksiz 5 jyldyq eńbek ótili bar jáne qyzmette joǵary jetistik kórsetken professorlyq-oqytýshylyq quram qatysa alady.

Baıqaýdyń maqsaty – JOO oqytýshylarynyń kásibı-pedagogıkalyq mádenıetin arttyrý, oqytýshylardyń odan ári kásibı damýyna degen motıvatsııasyn arttyrý.

Konkýrs eki kezeńnen turady: 2020 jyldyń 12-30 qarashasynda joǵary oqý oryndaǵy kezeń; 2020 jyldyń 4-15 jeltoqsanynda respýblıkalyq kezeń.

Konkýrsqa qujattar universitycontest.iac.kz aqparattyq júıesi arqyly tapsyrylady. Olardy JOO qyzmetkerleri men professorlyq-oqytýshylyq quramynyń ókilderinen turatyn saraptamalyq top músheleri tekseredi. Komıssııa saraptama tobynyń qorytyndysy negizinde sheshim shyǵaryp, úmitkerlerdiń qujattamasyn respýblıkalyq kezeńge qatysýǵa jiberedi.

Eske sala ketsek, QR Bilim jáne ǵylym mınıstrligi joǵary jáne joǵary oqý ornynan keıingi bilim departamentiniń dırektory Ádilet Toıbaev atalmysh baıqaý erejesiniń ózgergenin aıtty.