Úzdik jas aqyn men jazýshyny anyqtaıtyn «Altyn tobylǵy» ádebı baıqaýy jarııalandy
Nursultan Nazarbaev qory elimizdegi eń úzdik jas aqyndar men jazýshylardy anyqtaıtyn dástúrli «Altyn tobylǵy» ádebı baıqaýyn jetinshi ret uıymdastyryp otyr.
Baıqaýdyń basty maqsaty — qazirgi zamanǵy qazaqstandyq kórkem ádebıetti damytý, jas qalamgerlerdi qoldaý jáne olardyń shyǵarmashylyǵyn nasıhattaý.
Júlde tómendegi nomınatsııalar boıynsha taǵaıyndalady, ár nomınatsııa jeńimpazyna «Altyn tobylǵy» ádebı syılyǵynyń laýreaty ataǵy jáne qarjylaı syılyq tabys etiledi:
«Jyldyń úzdik prozasy» (2 mln)
«Jyldyń úzdik poezııasy» (2 mln)
«Jyldyń úzdik dramatýrgııasy» (2 mln)
«Jyldyń balalarǵa arnalǵan úzdik shyǵarmasy» (2 mln)
«Táýelsizdiktiń 30 jyldyǵyna arnalǵan úzdik ádebı týyndy» (arnaıy nomınatsııa) (3 mln)
Baıqaýǵa qatysýǵa 18-35 jas aralyǵyndaǵy jas ádebıetshiniń qazaq jáne orys tilindegi shyǵarmasy qabyldanady. Avtor eki nomınatsııaǵa qatysýǵa quqyly. Konkýrstyq irikteýge bir avtordan — buryn esh jerde jarııalanbaǵan eki shyǵarmaǵa deıin qabyldanady. Ótinim qabyldaý merzimi 20 tamyzǵa deıin.
Qatysýǵa ótinimdi poshta arqyly myna mekenjaıǵa jiberý qajet: Nur-Sultan qalasy, Á.Bókeıhan kóshesi 1, Nursultan Nazarbaev qory, sondaı-aq ótinimdi at2021@fnn.kz elektrondy poshtasyna jiberý qajet.
Baıqaý erejesimen tanysyp shyǵyńyz: fnn.kz, qazaq-found.kz.