Úzdik shyǵarmashylyq ujymdar onlaın-kontsertterin usynýda
Kontserttik-gastroldik qyzmet ortalyǵynyń málimetine qaraǵanda, q azaqstandyqtarǵa oblystyq kontserttik uıymdardyń úzdik kontsertteri jınaǵyn usynýǵa baǵyttalǵan joba bıyl 24 shildede Aqtóbe oblysy ónerpazdarynyń kontsertimen bastaldy.
Jobanyń maqsaty – álemdik koronavırýs indeti kezinde YouTube arnasy kórermenderi men qazaqstandyqtarǵa rýhanı dem berý, olardy qazaqstandyq úzdik shyǵarmashylyq ujymdardyń óneri arqyly qoldaý, ulttyq qundylyqtardy nasıhattaý, ónerdiń túrli janrlaryn keńinen dáripteý bolyp tabylady.
Jobany «Qazaqkontsert» memlekettik kontserttik uıymy» janyndaǵy Kontserttik-gastroldik qyzmet ortalyǵy úılestirýde.
Búgingi kúnge deıin 15 óńirdiń fılarmonııasy janyndaǵy shyǵarmashylyq ujymdardyń onlaın-kontsertteri Mádenıet jáne sport mınıstrliginiń YouTube arnasy arqyly kórsetilip, kórermenderge usynyldy. Joba 2020 jyldyń tamyz aıynyń sońyna deıin jalǵasyp, oǵan 30-dan astam kontserttik uıymdar tartylatyn bolady.
Jobanyń júzege asyrylýy barysynda qaralym jóninen óńirlerdiń ózara básekelesýi baıqalady. Máselen, Qyzylorda, Almaty, Shyǵys Qazaqstan oblystarynyń fılarmonııalary usynǵan onlaın-kontsertteri kórermenderiniń belsendiligi aıtarlyqtaı artty.