«Úzdik memlekettik qyzmetshi» atanǵan jas mamandardy shetelge demalysqa jiberý usynyldy

KÓKShETAÝ. QazAqparat- Úzdik jas memlekettik qyzmetshiniń shetelde tájirıbe jınaqtaǵany durys. Bul týraly Kókshetaýda ótken «Halyqqa qyzmet - abyroıly mindet» atty jas memlekettik qyzmetshiler forýmynda aımaq basshysy Məlik Myrzalın məlim etti, dep habarlaıdy QazAqparat tilshisi əkimdiktiń baspasóz qyzmetine silteme jasap.

Sharaǵa Aqmola, Qostanaı, Qaraǵandy, Soltústik Qazaqstan oblystary jəne Astana qalasynan kelgen 150-den astam jas memlekettik qyzmetshiler qatysty.

Forým formaty dıalog kúıinde ótti. Məlik Myrzalın jastarmen óziniń ómirlik tájirıbesimen bólisip, memlekettik qyzmetke alǵash kelgendegi áserin eske aldy. Aımaq basshysy memleketke qyzmet etýde talmaı eńbektený qajettigin atap ótti.

«Búgingi jastardyń alǵa qoıǵan maqsatyna jetý  úshin elimizde barlyq múmkindikter qarastyrylǵan. Tek oǵan erinbeı eńbektený kerek», - dedi ol.

Sharada memelekettik qyzmet ardageri Marat Qulmaǵambetov memlekettik qyzmetshilerdiń arasynda jyl saıyn ótetin «Úzdik memlekettik qyzmetshi» saıysynda ozyp shyqqan jastarǵa shetelge kýrortqa tegin demalys bıletin úılestirý týraly pikirin bildirdi. Óz kezeginde M. Myrzalın ıdeıany qoldap,  jastardy kýrorttan góri, tájirıbe almasýǵa shetelge jiberýdi jón sanady.

Sondaı-aq forýmda QR Memlekettik qyzmet agenttiginiń apparat basshysy Saıan Ahmetjanov pen «Jiger» jas memlekettik qyzmetshiler klýbynyń prezıdenti Dıana Serǵazına sóz sóıledi.

Jastar ózderin tolǵandyrǵan saýaldar qoıyp, oǵan tuşymdy jaýaptar aldy. Al shara sońynda Qaraǵandy oblysynan kelgen Medet Qarametov, óziniń forýmǵa arnaǵan óleńin  oqyp berdi.

Sharanyń ekinshi kúninde jastar «Rýhanı jańǵyrý» baǵdarlamasy aıasynda Býrabaıdyń kıeli oryndaryn aralaıtyn bolady.