«Úzdik kompanııa oryssha madaqtalyp, qazaqsha masqara boldy» - respýblıkalyq basylymdarǵa sholý

ASTANA. 9 shilde. QazAqparat - Qazaq aqparat agenttigi respýblıkalyq basylymdarda 9 shilde, senbi kúni shyqqan ózekti materıaldarǵa sholýdy usynady.

***
Sotqa degen halyq senimin qaıt­kende arttyrýǵa bolady? Ol úshin nendeı ońdy sharalardy júzege asyrǵan jón? Jalpy elimizdegi eń adal da ádil sot úıi dep sońǵy senimin arqalap kelgen adamdardyń aq úmitin qalaı aqtaý kerek? Bul oraıda Elbasynyń sot reformasynyń damýyna qatysty berilgen tapsyr­ma­lary qalaı oryndalyp jatyr? Mine, osyndaı kóptegen suraqtar­dyń túıinin tarqatý úshin keshe Jo­ǵarǵy Sotta ústimizdegi jyldyń jartyjyldyǵyndaǵy respýblıka sýdıalarynyń sot tóreligin júzege asyrý jumysy qorytyndylandy. Osyǵan oraı «Egemen Qazaqstan» gazetinde «Kemshilikter ashylyp, keleli mindetter júkteldi» degen taqyryppen kólemdi maqala jarııalandy. «Keńeste qazirgi kúngi sot qury­lymy tıisti deńgeıde tıimdi emes ekendigi de aıtyldy. Konstıtýtsııamen jergilikti sottardyń qyzmetin qadaǵa­laý boıynsha bekitilgen min­det­tiń or­nyna Joǵarǵy Sot sot isteri boıyn­sha qadaǵalaýdy júzege asyrýmen aı­nalysyp ketken», - dep jazady basylym.

«Qazaqstan Respýblıkasynyń Prezıdenti Nursultan Nazarbaev pen Reseı Federatsııasynyń Prezıdenti Dmıtrıı Medvedev telefon arqyly sóılesti», - dep jazady «Egemen Qazaqstan» gazeti. Áńgimelesý barysynda mem­leket basshylary aǵymdaǵy jyl­dyń tamyz - qyrkúıek aı­laryna josparlanǵan kópjaq­ty forýmdar aıasyndaǵy baı­lanys josparyn talqylap, aı­maqtyq turaqtylyq pen qaý­­ipsizdikti qamtamasyz etý isindegi úılesimdilikti tereń­detý máselesin qozǵady. Sonymen qatar, Reseı Prezıdenti Nursultan Nazar­ba­ev­qa quttyqtaý joldady. «Sizdiń baı saıası táji­rı­beńiz, Memleket basshysy retindegi qarqyndy jáne jemisti jumysyńyz qazirgi Qazaq­stan­nyń áleýmettik-ekonomı­kalyq damýynda tamasha jetistikterge, halyqaralyq arenada joǵa­ry bedelge qol jetkizýine múm­kindik berdi», - delingen quttyqtaýda.

***

Byltyr jetken jetistikteri úshin ataǵy dardaı «Altyntaý Kókshetaý» AQ orysshalap joǵary madaqtalǵanymen, qazaqshasynda qatty mazaq bolypty. Rasynda da solaı. 2010 jyly atalmysh kompanııa Vasılkov ken ornyndaǵy altyndy ıgerýi jáne altyn izdeýshi fabrıka qurylysy úshin «Jyl olqylyǵy» degen atap alypty. Iıa, ııa! Jetken jetistigi úshin jyldyń eń «olqy» kompanııasy atanypty. Byltyrdan beri osy atty «alaqaılatyp» turyp kóterip júrgen kompanııany qaıdam, tilimizdiń kezekti ret keri ketken tirligine qarap biz qatty uıaldyq», - dep jazady «Alash aınasy» gazeti. Maqalanyń tolyq nusqasyn oqyp, oqıǵanyń mán jaıyna qanyqqyńyz kelse, búgingi nómirdegi «Úzdik kompanııa oryssha madaqtalyp, qazaqsha masqara boldy» degen taqyrypqa kóz salyńyz.

«Alash aınasy» gazetiniń jazýynsha, Aqtóbe oblysy Shubarshıdegi jaǵdaı áli tynysh emes. Aýyl halqy úreılenip otyr. Іzdeý salynǵan 6 kúdikti bolsa áli ustalǵan joq. Ótken senbide qylmyskerlerdiń qolynan arnaıy jasaq sarbazy mert bolyp, úsh tártip saqshysy jaralandy. Qaıǵyly oqıǵa Shubarshı aýylynda eki polıtsııa qyzmetkerin atyp ketkenderdi ustamaq bolǵan kezde boldy. Qazir ishki ister mınıstrliginen jiberilgen arnaıy jasaq pen áskerı bólim jaýyngerleri Shubarshı aýylyn qorshaýǵa alǵan. Іzdeý jarııalanǵan alty adamdy ustaýǵa kómektesip aqparat bergenderge ár qylmysker úshin 100 myń AQSh dollary syıaqy taǵaıyndaldy. Polıtseılerdi atyp óltirgenderdiń dinı uıymǵa qatysy baryn quzyrly organ rastamaıdy da, joqqa da shyǵarmaıdy. Tártip saqshylaryna qarsy shabýyl jasaǵan taraptan da shyǵyn bar kórinedi. Jarııalanym «Dúrbeleń túıini qashan sheshiledi?» degen taqyryppen jaryq kórdi.

***

Keshe ǵalamtor kózderinde «Kelesi jyly ótetin London olımpıadasynda altynnan alqa taǵýǵa birden-bir úmitker Qanat Islam dúbirli dodaǵa barmaı qalýy múmkin» degen aqparat tarady. Osyǵan oraı «Aıqyn» gazeti ile-shala Qanat Islammen baılanysqa shyǵyp, birqatar jaıttardy anyqtaǵan. Basylymnyń atap ótýinshe, Qytaı jaǵy Qazaqstan atynan Qanattyń Álem jáne Olımpıada oıyndarynda óner kórsetýine qarsy ekendigin aıtyp, AIBA-ǵa shaǵym túsirgen. Olar «Qanat Qytaı boks federatsııasynyń kelisiminsiz jumystan shyǵyp, Qazaqstanǵa ketip qalǵan» degen derekti alǵa tartqan. Mán-jaıdy «Barý, barmaý - AIBA-nyń qolynda!» degen maqaladan bile alasyzdar.

Osydan birneshe jyl buryn «Sábı zorlandy» degen aqpar ózge elderden estilse, jaǵamyzdy ustap, «munysy nesi?» dep shoshýshy edik. Búginderi «kishkentaı sábı zorlandy» degen sózdi qulaǵymyz shalsa eleń etpeıtin boldyq. Sebebi elimizdiń túpkir-túpkirinde kámelettik jasqa tolmaǵan balalardy zorlaý áreketteri oryn alyp júr. Tek bir aptanyń ishinde osyndaı eki qylmys tirkelse, eki aıda 10-nan asa bala «sábıqumar» jaýyzdardyń qurbanyna aınaldy. Qoǵamymyzǵa dendep enip bara jatqan osy bir arsyzdyq, aıýandyq jaıynda «Aıqyn» gazetiniń senbilik sanyndaǵy «Sábıqumarlarǵa» «hımııalyq súndetteý» ádisin qoldaný kerek pe?» degen maqalada keńinen baıandalǵan.

***

«Memleket basshysy Nursultan Nazarbaevtyń atyna «Operalııa» IV halyqaralyq festıvaline qatysýshylardan - Italııa, Germanııa, Gollandııa, Norvegııa men Reseıdiń álemdegi ta­nymal opera ánshilerinen osy halyqaralyq mýzykalyq fo­rýmdy tamasha uıymdastyrǵany jáne jyly shyraıly qa­byl­daýy úshin zor rızashylyqtaryn bildirgen hat keldi», - dep jazady «Kazahstanskaıa pravda» gazeti. «Búginde Qazaq­stan, onyń ásem elordasy Astana tek Eýrazııa júregi ǵana emes, son­daı-aq Shyǵys pen Batysty, mádenıet pen órkenıetti jal­ǵas­tyratyn kópir bolyp taby­lady. Elorda kúni qarsańynda Sizge densaýlyq, baqyt, tolaı­ym ta­bys­tar jáne sarqyl­maı­tyn sha­byt tileımiz!» delingen hatta.