Úzdik bylǵary qolǵap sheberleri Qazaqstan Aeroutqyr áskerleriniń sharshy alańynda

ASTANA. QazAqparat - Qazaqstan Aeroutqyr áskerleriniń 61993 áskerı bóliminiń bazasynda bokstan 7-shi chempıonattyń aqtyq jekpe-jegi bolyp ótti. 56 men 91 keli jáne odan joǵary 8 salmaqtaǵy 80 armııashy sportshylarynyń ishinen eń myqtylary úzdik bylǵary qolǵap sheberi degen ataq úshin kúresti.

QR Qorǵanys mınıstrliginiń baspasóz qyzmetinen habarlaǵandaı, boksshylardyń sheberlikterine joǵary sanatty tóreshiler baǵa berdi. Olardyń sheshimimen jalpykomandalyq esepte 61993 áskerı bóliminiń komandasy jeńis tuǵyrynan kórindi, ekinshi oryndy 32363 áskerı bóliminiń jaýyngerleri qanjyǵalaryna baılasa, úshinshi oryn 18404 áskerı bóliminiń boksshylaryna buıyrdy.

Qazaqstan Qarýly Kúshteriniń dárejeli sportshylary týrnırdiń qadirmendi qonaqtary boldy. Olardyń ishinde, áskerı qyzmetshiler arasyndaǵy 2015 jyldyń álem chempıondary Eldos Sartqulov pen Aslanbek Shymbergenov jáne áskerı qyzmetshiler arasyndaǵy 2014-2015 jyldardaǵy chempıonat júldegeri Qamshybek Kúnqabaev.
Osy kúnderi QR Qorǵanys mınıstrligi Ortalyq apparatynyń VI Spartakıadasy sheńberinde armrestlıngten chempıonat ótti. Jalpykomandalyq esepte Qurlyq áskerleri bas qolbasshysy basqarmasynyń áskerı qyzmetshileri saıys chempıondary atandy. Ekinshi oryndy 19132 áskerı bóliminiń sportshylary ıelense, úshinshi oryndy QR QM Áskerı polıtsııa jasaǵy mise tutty. Qazaqstannyń Qarýly Kúshterinde buqaralyq jáne kásibı turǵydaǵy sportpen shuǵyldanýǵa asa mán beriledi. Búginde QR Qorǵanys mınıstrligi sport klýbynyń 5 sportshysy Rıo-de-Janeıroda ótetin Olımpıadaǵa joldama ıegerleri bolyp tabylady. Sonymen birge qazaqstandyq armııa áskerı qyzmetshileriniń jalpy dene daıarlyǵyn damytý jóninde jumys júrgizilýde.
Osylaısha, 2015 jyly trenajerlyq zal men júzý haýyzynda sabaqtardyń sany ulǵaıtyldy, jeke jattyqtyrýlar engizildi, jańa jas erekshelik toptary qosyldy. Qazirgi ýaqytta QR QM AOSK-nyń áskerı qyzmetshileri sporttyń