Úzdik bıznes joba úshin bilim berý granty beriledi - «Zhangyru» jobasy

ASTANA. QazAqparat - «Qazaqstan - 2050» jalpyulttyq qozǵalysynyń bastamasymen «Zhangyru» korporatıvti oqytý» jobasy qolǵa alyndy. Atalǵan jobaǵa 50 adam irikteldi. Olardyń ishinde memlekettik qyzmetkerler men jas bıznesmender bar. Aldaǵy ýaqytta oq boıy ozyq shyqqandar óz bilimderin tegin shyńdaı alady, dep xabarlaıdy QazAqparat tilshisi.

«Jobaǵa 130 ótinim túsken edi. Olardyń ishinen biz 50 adamdy iriktep aldyq. Barlyǵy da bilimge qushtar, kásibı daıyndyqtaryn shyńdaǵysy keledi. Joba aıasynda aldymen eki aptalyq oqytý kýrstary ótedi. Sonyń nátıjesi boıynsha bárine arnaıy kýálikter tabystalady. Odan keıin qatysýshylar bıznes-keısterin daıyndaıdy. Oǵan bir aı beriledi. Ádil qazylar alqasy sonyń ishinen úzdik jobalardy anyqtaıtyn bolady Bizdiń negizgi maqsatymyz - básekege qabiletti ultty damytý», - deıdi  «Qazaqstan - 2050» jalpyulttyq qozǵalysynyń jetekshisi Muxtar Mankeev.

Onyń aıtýynsha, 13 qarashada jobanyń qorytyndysy shyǵarylady. Úzdik jobanyń avtory Jeneva bıznes mektebinde tegin bilim alady. Al ekinshi, úshinshi jáne tórtinshi oryn alǵandar 70, 50 men 25 paıyzdyq jeńildikke ıe bolady. Jobaǵa qatysýshylardyń alǵashqy modýli marketıngke arnaldy. Barlyq dárister onlaın rejımde taratylady.