Úzdik aýyl ákimi: óńirlik kezeńniń jeńimpazdary anyqtaldy

ASTANA. QazAqparat – Memlekettik qyzmet isteri agenttiginiń bastamasymen aýyldyq okrýg ákimderi arasynda «Úzdik aýyl ákimi» respýblıkalyq konkýrsy ótkizilip jatyr, dep habarlaıdy QazAqparat vedomstvonyń baspasóz qyzmetine silteme jasap.

Bıyl tórtinshi jyl ótkizilip otyrǵan bul konkýrstyń maqsaty – aýyldyq eldi mekenderdiń damýyna eleýli úles qosyp, jumysta joǵary nátıjelerge qol jetkizgen aýyl ákimderin anyqtaý jáne olardy yntalandyrý sharalary aıasynda jergilikti basqarýdaǵy tıimdi, úzdik tájirıbelerdi keńinen taratý.

Konkýrs óńirlik jáne respýblıkalyq kezeńderden turady. Búgingi kúni konkýrstyń óńirlik kezeńi aıaqtaldy. Onda quramyna memlekettik organdar, máslıhattar, úkimettik emes uıymdar jáne BAQ ókilderi kirgen óńirlik komıssııalardyń sheshimi boıynsha konkýrstyń ekinshi – respýblıkalyq kezeńine qatysatyn úzdik aýyl ákimderi irikteldi.

Aıta ketý kerek, ákimderdiń qyzmetin baǵalaý kezinde halyqtyń ómir súrý sapasyn jaqsartý boıynsha jasaǵan jumys nátıjeleri jáne jurtshylyqpen keri baılanysty qamtamasyz etýi, jergilikti qoǵamdastyqtyń ákimderdi baǵalaý qorytyndylary erekshe eskerildi.

Sondaı-aq, irikteý barysynda aýyl ákimderi aýyldyq eldi-mekenderde ómir súrý jaǵdaıyn jaqsartýǵa baǵyttalǵan jobalaryn qorǵap, olardy turaqty damytý boıynsha usynystarymen bólisti.

Konkýrsqa qatysýǵa elimizdiń óńirilerinen júzden asa aýyldyq okrýg ákimderi nıet bildirdi.

Óńirlik irikteý qorytyndysy boıynsha konkýrstyń ekinshi – respýblıkalyq kezeńine kelesi aýyl ákimderi qatysady:

Aqmola oblysy

Qudaıbergenova Quralaı Qoıshybaıqyzy

Aqtóbe oblysy

Abılov Ravıl Sandybaıuly

Almaty oblysy

Sarsenov Ómirbek Begendikuly

Atyraý oblysy

Abenova Gúljazıra Qaıratqyzy

Shyǵys Qazaqstan oblysy

Mýsobolınova Raýshan Kalymovna

Jambyl oblysy

Elemesova Kýljahan Almasovna

Batys Qazaqstan oblysy

Galıeva Saıagúl Máýletqyzy

Qaraǵandy oblysy

Rahymbergenov Aslan Rahymuly

Qostanaı oblysy

Beksultanov Bolan Jumataıuly

Qyzylorda oblysy

Noǵaıbaev Jaqsylyq Nurıdınuly

Manǵystaý oblysy

Mýratalıev Dastan ıAkııaevıch

Pavlodar oblysy

Metlýshka Tatıana Vasılevna

Soltústik Qazaqstan oblysy

Sarsenbaev Ashat Talǵatuly

Túrkistan oblysy

Jartybaev Baýrjan Kelesbekuly

Abaı oblysy

Bekbaev Ómirbek Janarbekuly

Jetisý oblysy

Nurahmetov Ermek Erkenuly

Ulytaý oblysy

Sálkebaev Saıat Smaǵululy