Úzdik áskerı qyzmetshi: Elimizdiń táýelsizdigin qorǵaý azamattyq paryzym
Bıyl Otan qorǵaýshylar kúnin merekelenip jatqanyna 29 jyl boldy. Bul kún Qazaqstannyń árbir áskerı qyzmetshisi úshin aıtýly kún boldy. Solardyń biri - Janbatyr Belgibaev ishki ister mınıstrliginde 15 jyldan astam eńbek etip keledi. Ol elimizdiń táýelsizdigi men bir tutastyǵyn qorǵaýdy óziniń azamattyq paryzy dep sanaıdy. Eki jyl áskerı mindetin atqarǵanan keıin ol osy joldy tańdady. Búginde Janbatyr ETs-166/24 túzeý mekemesiniń bólim bastyǵynyń orynbasary bolyp qyzmet isteıdi. Úsh uldyń ákesi laıyqty urpaq tárbıeleýdi óziniń mindeti dep sanaıdy.
«Biz Qazaqstanda dúnıege keldik. Osy elde óstik. Bizdiń mindetimiz-otandastarymyzǵa qamqorlyq jasaý. Bizdiń basty mindetimiz – laıyqty urpaq tárbıelep, olardyń boıynda patrıottyq sezimdi, Otanǵa degen súıispenshilikti qalyptastyrýymyz kerek», - dep bólisti Janbatyr Belgibaev.
Baıqaý tórt kezeńde ótti. Qatysýshylar bilim, tapqyrlyq, kúsh daǵdylaryn orta saldy jáne shyǵarmashylyq qyrynan da tanyldy
«Keıbir qatysýshylar shıraq, ıkemdi bolsa, endi bireýleri kerisinshe, jınaqylyq, sabyrlyq tanytty. Degenmen, árqaısysy óz talanttaryn kórsete aldy. Qatysýshylardyń barlyǵy da jeńiske laıyq boldy»,-dedi oblystyq halyq shyǵarmashylyǵy jáne mádenı-demalys qyzmeti ortalyǵynyń mamany Azamat Temirǵalıev.
Baıqaý qorytyndysy boıynsha ETs-166/24 túzeý mekemesiniń bólim bastyǵynyń orynbasary Janbatyr Belgibaev jeńimpaz atandy. Ekinshi oryndy baqylaýshy Ádil Shalǵynbaı, úshinshi oryndy Kókshetaý tehnıkalyq ınstıtýtynyń oqytýshysy Abylaı Bolat ıelendi.