Uzaqbaı Qarabalın: Qazaqstan halyqaralyq mindettemelerin talapqa saı atqarady
05:00, 15 Sáýir 2017
ASTANA. QazAqparat - 2017 jylǵa josparlanyp otyrǵan munaı óndirý kólemin 81 mln tonnaǵa jetkizý jospary Qazaqstannyń halyqaralyq mindettemelerin buzbaıdy. Bul týraly «QazAqparat» HAA tilshisine «KAZENERGY» qaýymdastyǵy tóraǵasynyń orynbasary Uzaqbaı Qarabalın aıtty.
«Munaı óndirý kólemin jalpy ulǵaıtý - elimizdiń shıki munaıdy táýligine 20 myń barrelge deıin qysqartý jónindegi mindettemelerine qarama-qaıshy emes. Jalpy alǵanda biz ótken aılarda aldyǵa qoıǵan sharttardy ustanyp otyrmyz. Ol táýligine 1,7 mln barrel. Menińshe, qorytyndy jyldyń ortasyna taman belgili bolady. Oǵan deıin biz talapqa saı jumys isteıtin bolamyz»,-dedi Qarabalın.
Osyǵan deıin «QazAqparat» 2017 jyly Qazaqstan ótken jylmen salystyrǵanda, munaı óndirý kólemin jylyna 1,5 mln tonnaǵa deıin ulǵaıtýdy josparlap otyrǵandyǵyn habarlaǵan. Jyldyq óndiris 81 mln tonnany quraıdy.