Uzaq jyldardan beri bitpeı turǵan 154 «saqaldy» qurylys baqylaýǵa alyndy - IIDM
«Ashyq saǵat alańy» jobasy aıasynda QR IIDM vıtse-mınıstri Erkebulan Daýylbaevtyń tóraǵalyǵymen qurylys jáne TKSh isteri komıteti Qazaqstandaǵy uzaq merzimdi qurylys obektileri máseleleri boıynsha bıznes-qoǵamdastyq ókilderimen onlaın-kezdesý ótkizdi.
Keńes barysynda vıtse-mınıstr áleýmettik jáne ınjenerlik-kommýnıkatsııalyq ınfraqurylym qurylysy salasyndaǵy bıýdjettik jobalardy iske asyrýdy taldaý nátıjeleri boıynsha uzaq qurylystyń negizgi sebebi ýaqytyly qarjylandyrýdyń jetispeýi jáne bolmaýy bolyp tabylatynyn atap ótti.
Josparlaý júıesin qaıta qaraý jáne qurylys jobalaryn iske asyrý maqsatynda birqatar júıeli sharalar qabyldanyp jatyr.
Osylaısha mınıstrlik boljamdy deńgeıde smetalyq qunnyń durys eseptelýin aıqyndaý úshin smetalyq qunnyń negizsiz artýyna jol bermeýge múmkindik beretin qurylys úshin qun ındeksterin bekitti.
Sonymen qatar, vedomstvo Qarjy mınıstrligine birqatar túzetýler usyndy, atap aıtqanda:
- konkýrstar jarııalanǵanǵa deıin jobalardy qarjylandyrý qamtamasyz etilgen kezde qurylystyń normatıvtik uzaqtyǵymen JSQ-da kózdelgen merzimder men somada konkýrs ótkizý
- qarjylandyrýmen qamtamasyz etilmegen iske aspaǵan jobalar bolǵan kezde qurylystyń jańa jobalaryn iske asyrýǵa ótinim qaraýǵa tyıym salýdy belgileý
- Memlekettik satyp alý portalynda konkýrs jarııalaýǵa tyıym salýdy belgileý.
Búgingi tańda mınıstrlik «saqaldy» qurylystyń 154 jobasyn erekshe baqylaýǵa aldy, onyń 59 - ınfraqurylymdyq obekti, 55 - áleýmettik obekti, 40 - ǵımarattar men qurylystar.
Sonymen qatar, keńeske qatysýshylar uzaq qurylystyń árbir obektisi boıynsha qurylystyń negizgi kezeńderin kórsete otyryp, aıaqtaý jáne paıdalanýǵa berý úshin jol kartasy bekitilgenin atap ótti.
Foto : gov.kz