Uıymdasqan qylmystyq top qurýǵa qatysty 44 qylmystyq is qozǵaldy

NUR-SULTAN. QazAqparat - Osy jyldyń 8 aıynda uıymdasqan qylmystyq topty uıymdastyrýshylar men olardyń múshelerine qatysty 44 qylmystyq is qozǵaldy. ​Bul týraly QR QM Qarjy monıtorıngi komıtetiniń tóraǵasy Janat Elımanov aıtty, dep habarlaıdy QazAqparat tilshisi.

«Búginde Ekonomıkalyq tergeýler qyzmeti 1394 qylmystyq is qozǵady. Onyń jartysyna jýyǵy aýyr jáne óte aýyr qylmystar sanalady. Ótelgen shyǵyn somasy 20 paıyzǵa artty jáne 33 mlrd teńgeni qurady. Biz ekonomıklayq qylmystyq uıymdasqan túrimen jıi betpe-bet kelemiz. Tek 8 aıdyń ishinde ǵana uıymdasqan qylmystyq topty uıymdastyrýshylar men olardyń múshelerine qatysty 44 qylmystyq is qozǵaldy. Sońǵy 5 jyldaǵy rekordtyq kórsetkish sanalady», - dedi ol Ortalyq kommýnıkatsııalar qyzmetindegi baspasóz máslıhaty barysynda.

Onyń atap ótýinshe, saraptama jasaý barysynda aqsha qarajattaryn qylmystyq jolmen qolma-qol aqshaǵa aınaldyrýmen aınalysatyn 60-tan astam áleýetti top anyqtaldy.

«Bul úshin olar qarjylyq aınalymy 2 trln teńgeden asyp jyǵylatyn 1,2 myńnan astam ózderiniń baqylaýyndaǵy kompanııalardy qurǵan. Barlyǵyna qatysty qylmystyq is qozǵalyp, 98 tulǵa kúdikti retinde tanyldy, 28-i tutqynǵa alyndy jáne 29-y úıqamaqqa alyndy», - dedi Janat Elımanov.