Úıirme men sektsııalar ashylyp-jabylǵanda habarlap otyrýǵa mindetti bolady

<p>Eldegi qosymsha bilim berý uıymdaryna bilim sapasyn qamtamasyz etý jónindegi aýmaqtyq departamentterge óz qyzmetiniń bastalǵany nemese toqtatylǵany týraly habarlaý mindeti júkteledi. Bul týraly QR Oqý-aǵartý vıtse-mınıstri Edil Ospan aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Búgin Májiliste Oqý-aǵartý vıtse-mınıstri «Qazaqstan Respýblıkasynyń keıbir zańnamalyq aktilerine bilim berý jáne bala quqyqtaryn qorǵaý máseleleri boıynsha ózgerister men tolyqtyrýlar engizý týraly» zań jobasyn tanystyrdy.

«Zań jobasy aıasynda balalarǵa qosymsha bilim berý uıymdary úshin habarlama jasaý tártibin engizý qarastyrylǵan. Búgingi kúni mektepter jáne tehnıkalyq- kásiptik bilim berý deńgeıleri lıtsenzııalanady, al mektepke deıingi bilim berý uıymdarynda habarlandyrý tártibi engizilgen. Endi qosymsha bilim berý uıymdaryna bilim berý salasyndaǵy sapany qamtamasyz etý jónindegi aýmaqtyq departamentterge óz qyzmetiniń bastalǵany nemese toqtatylǵany týraly habarlaý mindeti júkteledi», — dedi vıtse-mınıstr Májiliste.

Onyń aıtýynsha, qosymsha bilim berý uıymdary úshin habarlama jasaý tárbitin engizý balalardyń jas erekshelikterin eskere otyryp, tegin úıirmeler men sektsııalardyń bolýyn qamtamasyz etedi, balalardy jalpy qamtýdy arttyrady, qosymsha bilim berý qyzmetiniń aýqymyn keńeıtýge múmkindik beredi.

Buǵan deıin Edil Ospan balalardy asyrap alatyn kásibı otbasy ınstıtýty engiziletinin aıtqan edi.

Asyrap alýshy ata-analardyń jasy 30-53 aralyǵynda bolady.

Balany qabyldaıtyn kásibı otbasy mártebesin alýǵa úmitker otbasylar psıhologııalyq daıarlyqtan jáne qamqorshylyq jáne qorǵanshylyq organdarda akkredıtteýden ótedi.