Úıinde zańsyz tapansha men myltyq saqtaǵan ózbekstandyqtar ustaldy

<p>TAShKENT. KAZINFORM &ndash; Ózbekstannyń Memlekettik qaýipsizdik qyzmeti (MQQ) men ishki ister organdarynyń qyzmetkerleri birlesip, el astanasynda zańsyz qarý saqtaǵan Buhara oblysynyń turǵyndaryn ustady, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Ózge isti tergeý barysynda ustalǵan azamattardyń úıinde jasyrylǵan qarý men oq-dáriler bar ekeni anyqtalǵan.

1973 jyly týǵan kúdiktiniń turǵylyqty jerin tekserý kezinde odan 3 «Makarov» tapanshasy men 21 patron jáne 1 «TT» tapanshasy, sáıkesinshe onyń 5 oq-dárisi tabylǵan. Buǵan qosa shatyrdyń astyna jasyrylǵan qarýdyń daýysyn báseńdetetin 1 qurylǵy tárkilendi.

MQQ baspasóz qyzmetinen málim etkendeı, kúdikti óziniń tanystarymen birge ol qarý men oq-dárilerdi Reseıden kontrabandalyq jolmen alyp kelgen.

Saraptamanyń nátıjesine saı, tárkilengen tapanshalar men onyń patrondary atys jaǵdaıynda qoldanýǵa jaramdy sanalady.

Sonymen qatar kúdiktiniń seriktesteri de úıinde qarý saqtaǵan. Tintý barysynda ol azamattan tıisti qujattary joq 2 ańshylyq myltyq pen oq-dáriler tárkilendi.

Atalaǵan faktiler negizinde ÓR Qylmystyq kodeksiniń 246 (Kontrabanda) jáne 248 (Atys qarýy men oq-dárilerdiń zańsyz saqtaý) baptary boıynsha qylmystyq is qozǵaldy, tergeý júrip jatyr.