Úıinde avtomat saqtaǵan Túrkistan oblysynyń turǵyny qamaýǵa alyndy

<p>TÚRKІSTAN. KAZINFORM &ndash; Túrkistan oblysynyń polıtseıleri zańsyz saqtalǵan qarýlardy tárkiledi. Onyń ishinde AK-47 avtomaty bar. Bul týraly Túrkistan oblysy polıtsııa departamenti bastyǵynyń orynbasary Qurmanbek Sahov málimdedi.&nbsp;</p>

Tórt jergilikti turǵyndy tintý barysynda olardan AK-47 avtomaty, 3 myltyq karabıni, 2 ańshylyq myltyq, travmatıkalyq tapansha, túrli kalıbrli patrondar men jabaıy arqar múıizi jáne basqa da zattaı dáleldemeler tabylyp, tárkilendi.

Foto: Túrkistan oblysy PD

Qazirgi tańda kúdiktilerge qatysty qarýdy zańsyz saqtaý faktisi boıynsha qylmystyq is qozǵaldy. Saraptama da taǵaıyndalǵan.

«Túrkistan oblysy polıtsııa departamentiniń uıymdasqan qylmysqa qarsy kúres basqarmasynyń qyzmetkerleri jedel-izdestirý sharalary nátıjesinde qarýdy zańsyz saqtaý faktilerin anyqtady. Atalǵan is boıynsha Saıram, Túlkibas jáne Báıdibek aýdandarynyń turǵyndary qamaýǵa alyndy. Oqıǵanyń mán-jaıy men kúdiktilerdiń qarý-jaraq pen oq-dárilerdi qandaı maqsatta saqtaǵany anyqtalýda. Tergeý júrip jatyr», - dedi Qurmanbek Sahov.