Úıin qarasora ósiretin fıtozerthanaǵa aınaldyrǵan Qostanaı turǵyny ustaldy

<p>QOSTANAI. KAZINFORM &mdash; Qostanaıda polıtseıler qarasora ósiretin fıtozerthanany anyqtady. Bul týraly Polisia.kz saıty jazdy.&nbsp;</p>

Qostanaı oblysy PD esirtki qylmysyna qarsy is-qımyl basqarmasynyń málimetinshe, tintý kezinde polıtseıler eki bólmeli páterden salmaǵy 12,5 keli bolatyn qarasora butalaryn tárkilegen. Munda jaryq jáne dıodty shamdar, termometrler, jeldetkishter, ylǵaldylyqty ólsheý quraldary syndy arnaıy jabdyqtar bolǵany anyqtaldy. Polıtsııa qyzmetkerleri eki er adamdy ustady.

— Fıtozerthana quramynda esirtki zattary bar qarasora ósirýge arnalǵan. Osy derek boıynsha qylmystyq is qozǵalyp, tergeý júrgizilip jatyr, — dep atap ótti basqarma bastyǵy Nurjan Ahmetov. 

Adamdardyń ózge de qylmys jasaýǵa qatysy bar-joǵy tekseriletin bolady. Qarasora ósirgeni úshin úsh jyldan segiz jylǵa deıingi merzimge bas bostandyǵynan aıyrý túrindegi eń joǵary qylmystyq jaza qarastyrylatynyn eske sala ketken jón.