Úıleri órtenip ketken qostanaılyqtardyń banktegi nesıeleri jabylady

NUR-SULTAN. QazAqparat – Qostanaı oblysyndaǵy órtten úıleri janyp ketken otbasylarǵa «Halyk Bank» 1 mln teńgeden beredi jáne nesıelerin jabady. Bul týraly atalǵan banktiń resmı Telegram arnasynda jarııa etildi, dep habarlaıdy QazAqparat tilshisi.

«Qostanaı oblysynda úıleri órtenip ketken ár otbasyna 1 mln teńge kóleminde qarjylaı kómek jiberiledi. Úıinen aırylǵan adamdar kúsh jınap, alǵan qarajatyn eń qajettisine – turǵyn úıdi jaldaýǵa, kıim-keshek, tamaq jáne qajetti taýarlar satyp alýǵa jumsaıdy.

Sonymen qatar, bank basshylyǵy janyp ketken úılerdiń barlyq ıelerine qoldanystaǵy kredıtterin jabý týraly sheshim qabyldady.

Bank basshylyǵy men ujymy Ozernoe, Lesnoe, Amanqaraǵaı aýyldarynyń barlyq órt saldarynan zardap shekken turǵyndaryna shynaıy janashyrlyq tanytyp, olardyń ómirleri jaqyn arada úırenshikti arnaǵa oralady degen úmitte», - dep jazylǵan banktiń Telegram arnasyndaǵy habarlamada.

Eske salsaq, 2 qyrkúıekte saǵat 15:10-da Qostanaı oblysyndaǵy Qazanbasy aýylynan 20 shaqyrym jerde, «Basaman KShSh» KMM aýmaǵynda orman alqaby órtengen bolatyn. Tótenshe jaǵdaılar mınıstri ıÝrıı Ilın oqıǵa ornyna tikushaqpen attandy .

Órt aýyldarǵa qaraı jalyndap, turǵyndar evakýatsııalandy, órtke baılanysty shuǵyl jeli iske qosyldy.

Prezıdent Qasym-Jomart Toqaev Premer-Mınıstr Álıhan Smaıylov, Tótenshe jaǵdaılar mınıstri ıÝrıı Ilın jáne Qostanaı oblysynyń ákimi Arhımed Muhambetovtyń órt aımaǵyndaǵy jedel jaǵdaı týraly esebin tyńdady.

Óńirlerde «AMANAT» partııasynyń gýmanıtarlyq kómek qabyldaý pýnktileri jumysyn bastady.