Úıińe kelý qashan da baqyt- Gennadıı Golovkın

QARAǴANDY. QazAqparat – Orta salmaqta IBF jáne IBO nusqalary boıynsha álem chempıony Gennadıı Golovkın týǵan jerine bardy. Bul jaıynda dańqty boksshy Instagram-daǵy paraqshasynda jazdy, dep habarlaıdy QazAqparat.

«Úıińe kelý qashan da baqyt», - dep jazdy áleýmettik jelide Gennadıı Golovkın.

Buǵan deıin Qaraǵandy oblysynyń ákimi Jeńis Qasymbektiń Gennadıı Golovkınmen kezdesip, GGG-diń balalyq shaǵy ótken «Maıqudyq» shaǵyn aýdanyndaǵy sport nysandaryn qalpyna keltirý máselesin talqylaǵanyn jazǵan edik.

«Gennadıı Golovkınmen kezdesip, Nıý-Iorktegi jeńisimen quttyqtaýǵa múmkindik týdy. Birge otyryp Qaraǵandy oblysynyń sport salasynyń damýyn talqyladyq. Gennadıı erekshe jylylyqpen jáne qamqorlyqpen «Maıqudyqtyń» sport ınfraqurylymy týraly surady. Kelesi jyly ataqty «Lıteışık» stadıonyn qalpyna keltirýmen aınalysamyz jáne Magnıtogorskaıa kóshesin tolyq jóndeýden ótkizemiz dep ýáde berdim», - dep jazdy oblys ákimi Facebook paraqshasynda.