Úıindi astynda adamdar bolýy múmkin: Qazaqstandyq qutqarýshy ıt belgi berdi

ASTANA. QazAqparat – Túrkııada jer silkingen aımaqta jumys istep jatqan qazaqstandyq qutqarýshylardy taǵy bir nysanǵa tartý týraly sheshim qabyldandy.

Bul - izdestirý-qutqarý jumystary jalǵasyp jatqan ýchaskelerdiń janynda ornalasqan tolyǵymen qıraǵan úı, dep habarlaıdy QazAqparat QR Tótenshe jaǵdaılar mınıstrliginiń bapasóz qyzmetine silteme jasap.

Baspasóz qyzmetiniń habarlaýynsha, bul nysanda TJM Respýblıkalyq jedel-qutqarý jasaǵynyń kınologııalyq eseptobynyń Djeıkob esimdi ıti tiri adamnyń úıindilerdiń astynda bolýy múmkin ekendigi týraly belgi berdi.

Djeıkobtyń belgisi negizinde «tynyshtyq mınýtyn» jarııalaý týraly sheshim qabyldandy. Bul ýaqyt kómek suraǵan kezde adamdardyń úıindilerdiń astyndaǵy daýystaryn estýge múmkindik beredi.

«Djeıkob - naǵyz dos, malınýa tuqymynyń ıti. Tótenshe jaǵdaıǵa tap bolǵan adamdarǵa qanshama ret kómektesken. 6 jyl boıy qutqarýshy bolyp jumys isteıdi»,-delingen habarlamada.

Vıdeodan alynǵan kadr/ t.me/qr_tjm