Úıge shyrsha ornatqan kezde qandaı qaýipsizdik talaptaryn saqtaý kerek
ShQO tótenshe jaǵdaılar departamenti baspasóz qyzmetiniń málimetine súıensek, jańa jyl jaqyndaǵan saıyn qutqarýshylar kúsheıtilgen jumys rejımine kóshedi.
Óıtkeni jyl saıyn 31 jeltoqsan men 2 qańtar aralyǵynda úılerde órt shyǵýy jıilep ketedi.
Osy rette departament qyzmetkerleri úıge shyrsha ornatqan kezdegi qaýipsizdik sharalaryn túsindirdi.
Shyrsha men áshekeıler óte tez tutanady. Órt kezinde negizgi zaqymdaýshy faktor - odan shyǵatyn tútin.
«Shyrshany qaýipsizdigine kózińiz jetpegen qurylǵylarmen bezendirmeýge keńes beremiz. Janǵan kezde shyrshadan óte ýly zattar bólinedi. Shyrsha jylytý qurylǵylarynan alys jerge ornatylýy qajet. Ony jaryqtandyrý úshin tek zaýytta jasalǵan sapaly elektr gırlıandalaryn paıdalanǵan jón. Shyrshany maqtadan, qaǵazdan jáne tsellýloıdtan jasalǵan oıynshyqtarmen bezendirýge bolmaıdy. Shyrshanyń janyna maısham jaǵyp qoımańyz», - deıdi ShQO TJD bastyǵynyń orynbasary Serik Amangeldın.
Onyń aıtýynsha, qaýipsizdiktiń eń mańyzdy erejesi - gırlıandany túnde nemese úıde eshkim joq ýaqytta qosyp qaldyrmaý.
Foto: fikiwiki.com