Shyrshany bezendirgen kezde qandaı qaýipsizdik sharalaryn saqtaý kerek

<p>Shyǵys Qazaqstan oblysynyń qutqarýshylary halyqqa úıde jańajyldyq shyrshany bezendirgen kezde qandaı qaýipsizdik sharalaryn saqtaý kerektigin túsindirdi, dep habarlaıdy <a href="Kazinform" target="_blank" rel="noopener">Kazinform</a>.</p>

ShQO Tótenshe jaǵdaılar departamenti baspasóz qyzmetiniń málimetinshe, úıde jańajyldyq shyrshany bezendirgen kezde órt shyǵyp ketpes úshin birqatar erejeni qatań saqtaý kerek.

«Shyrsha tańdaǵan kezde órtke qarsy materıaldarmen óńdelgenin alyńyz. Ádette bul týraly aqparat qaptamada kórsetiledi. Shyrsha jylytý qurylǵylarynyń mańyna ornatylmaýy tıis. Tek zaýytta jasalǵan elektr gırlıandasyn paıdalanyńyz. Shyrshany maqtadan, qaǵazdan jáne tsellýloıdtan jasalǵan oıynshyqtarmen bezendirýge bolmaıdy», - delingen aqparatta.

Eger gırlıandadan aqaý anyqtalsa nemese symdar qyzyp, shamdardan ushqyn shyqsa ony shuǵyl túrde óshirý kerek.

Sondaı-aq túnde bólmeden shyqqan kezde gırlıandany óshirip ketip otyryńyz. Jańajyldyq shyrsha ornatylǵan bólmede alǵashqy órt sóndirý quraldary turǵany jón.