Úıde otyrǵan azamattar jumyssyz sanala ma – Tamara Dúısenova jaýap berdi
«Jumyssyzdyq týraly aıtar bolsaq, elimizde halyqaralyq standart retinde qabyldanǵan ádisteme bar. Sol ádistemege sáıkes, adam aldymen jumys izdeý kerek, nátıje bolmasa jumyspen qamtý ortalyǵyna júginý qajet, eń bastysy adamnyń jumys isteýge nıeti bolýy tıis. Eger adam eńbekpen qamtý ortalyǵyna júginbeı, úıde otyrsa ol jumyssyz dep sanalmaıdy», - dedi Tamara Dúısenova Májilistiń jalpy otyrysy barysynda BAQ ókilderiniń saýalyna jaýap bere turyp.
Eske salsaq, taıaýda Májilis depýtaty Ashat Aımaǵambetov eńbek naryǵyndaǵy teńsizdik pen mamandar tapshylyǵy máselesin kóterip, jumyspen qamtýda «tizesi shyqqan» sharalardy qoldanyp jatqanyn aıtqan edi.
Halyq qalaýlysynyń sózinshe, Úkimet esebinde jyl saıyn shamamen 900 myń adam jumysqa ornalasatynyn, jylyna mıllıonǵa jýyq adam jumysqa ornalassa da, jumyssyzdyq deńgeıi ózgerissiz qalyp otyr.
Aıta keteıik, búgin Májilistiń jalpy otyrysynda «2025 – 2027 jyldarǵa arnalǵan respýblıkalyq bıýdjet týraly» Zań qabyldandy. Jańa zańǵa sáıkes bıýdjettiń negizgi úlesi áleýmettik salaǵa baǵyttalady.