«Uıatqa qaldyratyn uıaly baılanys» - respýblıkalyq basylymdarǵa sholý

ASTANA. 29 mamyr. QazAqparat - Qazaq aqparat agenttigi respýblıkalyq basylymdarda 29 mamyr, seısenbi kúni shyqqan ózekti materıaldarǵa sholýdy usynady.

***

«Keshe Premer-Mınıstr Kárim Másimovtiń tóraǵalyǵymen selektorlyq rejimdegi Úkimet otyrysy bolyp ótti. Onda Qazaqstan Respýblıkasynda onkologııalyq kómekti damytýdyń 2012-2016 jyldarǵa arnalǵan baǵdarlamasy qaraldy», - dep jazady «Egemen Qazaqstan» gazeti búgini sanyndaǵy «Túıtkilderdi sheshýdegi túbegeıli qadamdar» degen taqyryptaǵy maqalasynda. Atalǵan qujat boıynsha baıandama jasaǵan Densaýlyq saqtaý mınıstri Salıdat Qaıyrbekovanyń aıtýynsha, qazirgi kúni onkologııalyq kómek qyzmetiniń kórsetkishteri oń dınamıkaǵa ıe bolǵanyna qaramastan, jalpy jaǵdaı kúr­deli bolyp qalýda. Máselen, respýblıka boıynsha jyl saıyn onkologııalyq aýrýlardyń 30 myńnan astam jańa oqıǵasy anyqtalady eken. Basylymnyń jazýynsha, Úkimet otyrysynda budan ári Іshki ister mınıstri Q.Qasymov Qa­zaq­stan Respýblıkasynda qyl­mys­tyq-atqarý júıesin damy­tý­dyń 2012-2015 jyldarǵa arnal­ǵan baǵ­dar­­lamasynyń jobasyn tanystyrǵan.

 «Egemen Qazaqstan» gazetiniń jazýynsha, keshe Aqtaý qalalyq sotynda Qazaqstan Respýblıkasy QK-niń 308-babynyń 4-bóliginde kórse­til­gen qylmystardy ja­saǵa­ny úshin burynǵy quqyq qorǵaý organdary qyzmetkerlerine qatysty úkim jarııalandy.

Atalǵan qylmystyq is boıynsha sot otyrysy ashyq túrde bar­lyq múddeli taraptardyń, ıaǵnı jábirlenýshiler men sottalý­shy­lar­dyń týystary, BAQ ókilderi, halyqaralyq jáne qazaqstandyq táýelsiz baqylaýshylardyń qaty­sýymen ótti.

Sot úkimimen birqatar kiná­li­ler túrli jazaǵa kesildi.       

 ***

Qazaqstanda qanshama jaqsy baǵdar­lama bar. Jap-jaqsy jospar taǵy bar. Memleket tarapynan sonyń bárine qa­rajat bólinip jatyr. Talaı tirlik qolǵa alynǵan. Bári de jaqsy. Biraq nátıje qalaı? Mine osy saýalǵa «Aıqyn» gazeti búgingi sanyndaǵy «Suraýdyń ornyna - suraq belgi?!.» degen taqyryptaǵy maqalasynda jaýap berýge tyrysqan. «Qanshama turǵyn úı salynyp jatyr. Kóbisi sapasyz. Syrty kóriksiz, ishi sýyq. Salǵan úılerdiń aldy qulap ta qaldy. «Besoba» degen bitpeıtin jyrǵa aınaldy. Osy jerge úı salarda qurylysshylar oı­lanbaı ma? Nege «Besoba»? dep... Oba - molaly jerge qoıylady. Demek, salǵan jeri áý bastan durys emes. Molaly jerge úı salmaıdy qazaq. Sony eskerý qıyn ba?!.«Salvador Alendeni atyp ketipti» dese, bir kempir: « - Ádireń qalǵyr-aı, qa­sybirine kúıeıin» degen eken. Sol sııaqty aıta berse, kúıinetin nárse kóp. Súıiný úshin ne isteý kerek?», - dep jazady basylym.

 Uıaly baılanys baǵasynyń qymbattyǵy halyq qalaýlylarynyń da qaltasyna júk salǵan sııaqty. Keshe Parlamenttegi «Úkimet saǵatynda» depýtattar osy máseleni kóterdi. «Aıqyn» gazetiniń jazýynsha, osy kúni Májilis aldynda esep be­rýge Kólik jáne kommýnıkatsııa mınıstri Asqar Jumaǵalıev kelgen bolatyn. Ony kórip, qalaýlylar ishterindegi zapyrandaryn tógip saldy. «Uıaly baılanys qyzmetiniń sapasy esh­kimge de unamaıdy! - dep short kesti depýtat Svetlana Romanovskaıa. - Biz tipti talap aryz («ıskovoe zaıavlenıe») berip edik, biraq naqty standarttyń joqtyǵyna mańdaı soǵyp, toq­tadyq. ıAǵnı qazir olardy sotta jeńý múldem múmkin emes. Aqyr sońynda adamdar ne úshin aqsha tóleıtinderin bilýleri úshin uıaly baılanystyń, spýtnıktik televızııanyń naqty standarttaryn ázirleý josparlaryńyzda bar ma?». Maqala «Uıatqa qaldyratyn uıaly baılanys» degen taqyryppen berilgen.

***

«Kazahstanskaıa pravda» gazetiniń jazýynsha, keshe Memleket basshysy Nursultan Nazarbaev Qazaqstan Respýblıkasy Parlamenti Senatynyń Tóraǵasy Qaırat Mámıdi qabyldady. Senat Tóraǵasy Prezıdentke Astanada 30-31 mamyrda ótetin Álemdik jáne dástúrli dinder kóshbasshylarynyń IV sezin ótkizýge ázirlik jumys­tary­nyń barysy týraly baıandady. Atap aıtqanda, Q.Mámı forýmǵa qatysý úshin álemniń 40 elinen 87 delegatsııa kele­tinin málim etti. Sondaı-aq, Senat Tóraǵasy Memleket basshysyn qazirgi zań shyǵarý jumystary týraly habardar etti. Kezdesýdiń qorytyndysy boıynsha Nursultan Nazarbaev Senat aldyna birqatar mindet qoıdy jáne Q.Mámıge naqty tapsyrma berdi.

***

«Jambyldyq polıtseı qymyzǵa degen qumarlyǵy úshin jumystan shyǵyp qaldy», - dep jazady «Ekspress K»  gazeti «Kýmys popýtal» degen taqyryptaǵy maqalasynda. Basylymnyń atap ótýinshe, qyzmetinen qýylǵan quqyq qorǵaýshy osylaı dep óz isin aqtap otyrǵan kórinedi. Bul týraly ol QR Іshki ister mınıstri Qalmuhanbet Qasymovtyń blogyna jazypty. Eks-polıtseıdiń jazýynsha, sol kúni ol jumysyna bara jatqan jolda qymyz satyp alyp, kúni boıy ishken kórinedi. Al keshkisin kadrlyq qyzmeti bóliminiń eki qyzmetkerimen shekisip qalǵan. Al olar ony qymyz emes, araq ishti degen kúdikpen narkologııalyq dıspanserge alyp barǵan. Toq eteri, qymyz qyzmetkerdiń qyzmetinen qosh aıtysýyna sebep bolǵan.