Uıaly telefonnyń IMEI-kodyn tirkeý qoǵamdy baqylaý úshin jasalyp otyr ma

ASTANA. QazAqparat - Uıaly telefondardy IMEI-kod boıynsha tirkeý arqyly bılik qoǵamdyq pikirge baqylaý júrgizgisi kelip otyr ma? Osy suraqtyń halyq arasynda qyzý talqyǵa túsip jatqany belgili. Atalmysh saýal OKQ-da ótken baspasóz máslıhatynda QR Aqparat jáne kommýnıkatsııalar mınıstrligi telekommýnıkatsııa komıteti tóraǵasynyń mindetin atqarýshy Vıtalıı ıAroshenkoǵa da qoıyldy, dep habarlaıdy QazAqparat tilshisi.

«Shynyn aıtqanda, keıbireýler uıaly telefondardy zańǵa qarsy qural retinde de qoldanyp otyrǵanyn bilemiz. Máselen, uıaly telefonyńyz urlansa, ІІM-ge baryp, aryz jazasyz. ІІM qyzmetkerleri osydan keıin telefonyńyzdy tabý úshin tergeý amaldaryn júrgizedi. Al bul rette tirkeý quqyq qorǵaýshylardyń jumysyn aıtarlyqtaı jeńildetedi», - deıdi Vıtalıı ıAroshenko.

Sonymen birge, onyń aıtýynsha, atalmysh júıe urlanǵan telefondy qoldanýǵa múmkindik bermeıdi.

«Qarapaıym tilmen aıtqanda, urlaǵan adam uıaly telefonyńyzdan sımkany alyp shyǵyp, óziniń sımkasyn salsa - bul telefon jumys istemeı qalady. Bul jerde memleket tarapynan jahandyq nemese jappaı baqylaý týraly áńgime bolyp otyrǵan joq. Munyń bári de osy qurylǵyny izdeý jolyn jeńildetý úshin jasalýda. ıAǵnı, JSN-dy jınaý azamattardyń barlyǵyn baqylaý úshin jasalmaıdy. JSN-derdi tirkeý, kerisinshe, azamattardy qorǵaý úshin júrgizilip otyr. Sebebi, óz JSN-ińizdi ataý arqyly sım-karta da, qurylǵy da óz ıesine tirkeledi», - dedi ol.

Óz kezeginde QR ІІM Qylmystyq isti tekserý polıtsııasy departamentiniń basqarma basshysy Nurjan Rahmetýllaev elimizdegi urlyqtardyń 23 paıyzy - osy uıaly telefon urlyǵyna qatysty ekenin atap ótti.

«Ókinishke qaraı, qazirgi tańda urylar uıaly telefondy ońaı urlap, satyp jibere alady. Tipti urlanǵan telefonmen qylmys jasaıtyndar da barshylyq. Biz aqyry bul telefonnyń kimge tirkelgenin tappaı qınalamyz. Al eger biz 1 qańtardan bastap osy talapty engizsek, onda biz shynymen de uıaly telefonǵa qatysty qıyndyqtarmen betpe-bet kelmeımiz degen oıdamyn», - dedi ol.

ІІM ókili atap ótkendeı, osy jyly Qazaqstanda 38 myńnan astam uıaly telefon urlanǵan.