Uıaly baılanys tarıfteri boıynsha Qazaqstan 42-shi orynda
Bul týraly QR Kólik jáne kommýnıkatsııa vıtse-mınıstri Sáken Sársenov málim etti, dep habarlady Primeminister.kz saıty.
«Tarıfter týraly jalpy aıtatyn bolsaq, Qazaqstandaǵy tarıfter óte joǵary dep aıtýǵa bolmaıdy. 2013 jyldyń DEF-nyń IT esebine sáıkes álemniń 144 eliniń ishinde biz uıaly baılanys tarıfteri boıynsha 42-oryndamyz. Bizde tarıfter Reseıdegige qaraǵanda tómen. Mysaly, ótken jyly biz atalǵan reıtıngtiń 67-ornynda boldyq», - dedi S.Sársenov.
Sonymen qatar, ol qazirgi ýaqytta Kólik jáne kommýnıkatsııa mınıstrligi uıaly baılanys naryǵynyń shamamen 80 paıyzyn ıelengen Kcell jáne Beeline operatorlarynyń bólshek naryǵyndaǵy baǵalaryn retteýdi júzege asyryp jatqanyn habarlady.
«Bizde 2 operator - Kcell jáne Beeline basym operatorlar qatarynda. Aǵymdaǵy jyly atalǵan operatorlardyń uıaly baılanys qyzmetterine baǵalar saraptamasy júrgizildi, sonyń nátıjesinde biz olarǵa maksımaldy baǵalardy orta eseppen alǵanda 18 paıyzǵa tómendetý qajettiligi týraly eskertýler baǵyttadyq. «KarTel» kompanııasy Beeline saýda belgisimen shekti baǵalarmen kelisip, tarıfterdi tómendetti, al Kcell qazir bizben sot protsesterin júrgizip jatyr», - dep atap ótti KKM basshysynyń orynbasary.
«Aıta ketý kerek, Tele-2 jańa operatory tarıfterdi tómendetý bóliginde úlken ózgerister engizýde. Kompanııa discount- operator bolyp tabylady. Bul naryq úshin óte jaqsy», - dep tolyqtyrdy S.Sársenov.
ComNewsResearch taldaý agenttiginiń málimetinshe, 2013 jyldyń aqpanyna Qazaqstannyń eń arzan operatory TELE-2 bolyp tabylady: operatordyń usynysy boıynsha «qorjynnyń» ortasha quny respýblıkanyń barlyq oblystarynda 1093,86 teńgeni quraıdy, bul Qazaqstan boıynsha ortasha kórsetkishten (1932,26 teńge) 43 paıyzǵa tómen. Odan keıin «KaR-Tel» kompanııasy Veeline brendimen birge: 1855,55 teńge.
Reıtıngte qarastyrylǵan operatorlar ishinde eń qymbaty Kcell brendimen «Ksell» AQ bolyp tabylady. Onyń uıaly baılanys «qorjyny» 2270,93 teńge deńgeıinde tirkelgen, bul el boıynsha ortasha esepten 16 paıyzǵa artyq. Kompanııanyń basqa bir brendi Activ «qorjyn» qunynyń ortasha esebinen 6 paıyzǵa joǵary.
Qazirgi ýaqytta Qazaqstannyń uıaly baılanys naryǵynda Kcell, Beeline, Tele 2, ALtel brendterimen 4 operator jumys jasaıdy. Oǵan qosa naryqtyń 80 paıyzdan astamy Kcell jáne Beeline kompanııalaryna tıesili.