Uıaly baılanys operatorlary tarıftiń ósetinin klıentke 1 aı buryn eskertýi tıis - Turysov
Ortalyq kommýnıkatsııalar qyzmeti alańynda ótken baspasóz máslıhatynda BAQ ókilderi vıtse-mınıstrden: «Qazaqstandyqtar tarıf qunynyń óskenine shaǵymdanyp jatyr. Qaznette uıaly baılanys pen ınternet quny 23-30 paıyzǵa qymbattaıtyny jaıly aqparat júr. Qanshalyqty ras?» dep surady.
«Zańǵa jáne Kásipkerlik týraly kodekske sáıkes, bul – naryqtyq orta. Bizde tarıftiń kóterilgeni jaıly aqparat joq. Biraq, zańǵa sáıkes, eger operator tarıfti ózgertetin bolsa, onda olar 1 aı buryn klıentterge eskertýi tıis», - dedi vıtse-mınıstr.
Osy oraıda BAQ ókilderi baılanys operatorlarynyń birjaqty tártippen tarıfti ózgertýine tyıym salý máselesi kóterilgenin eske salyp ótti.
«Básekelestikti qorǵaý jáne damytý agenttigi sizderge hat joldady. Qandaı da bir shara qabyldana ma?» dep surady BAQ ókili.
«Buǵan deıin de aıtqanymdaı, barlyǵy Kásipkerlik kodeksimen retteledi. Ekinshiden, operator klıentti eskertýge mindetti. Eger mundaı jaıt bolsa ári naqtylansa, onda Básekelestikti qorǵaý jáne damytý agenttigine, Telekommýnıkatsııa komıtetine júginý qajet», - dedi Áset Turysov.