«Uıaltýdyń joly osy» - baspasózge sholý

ASTANA. QazAqparat - «QazAqparat» halyqaralyq aqparattyq agenttigi 11 jeltoqsan, juma kúni jaryq kórgen respýblıkalyq buqaralyq aqparat quraldaryndaǵy ózekti maqalalarǵa sholýdy usynady. ***

«Egemen Qazaqstan» gazetiniń habarlaýynsha, Shyǵys Qazaqstanda halyqaralyq ınvestıtsııalyq forým ótti. «Memleket basshysy Nursultan Nazarbaev jýyrdaǵy Joldaýynda daǵdarysqa qarsy jáne qurylymdyq jańarýlardyń bes baǵytyn atap kórsetip, onyń mańyzdy bir tarmaǵy retinde jańa ınvestıtsııalyq saıasattyń negizderin atap ótken, ekonomıkalyq ósimdi qamtamasyz etýde ınvestıtsııa kózderin tabýdyń erekshe mańyzdylyǵyn jetkizgen bolatyn. Elbasy Joldaýynan týyndaǵan tapsyrmalar men mindetterdi oryndaý baǵytynda Kendi Altaıda keshegi kúni alqaly jıyn ótti» dep jazady basylym. Gazettiń habarlaýynsha, shyǵys óńirinde tuńǵysh ret uıymdastyrylǵan «Altaı Agro Invest-2015» halyqaralyq ınvestıtsııalyq forýmyna 13 memleketten kelgen 70-ke jýyq ınvestor men dıplomattar qatysqan. Jalpy alǵanda, aýqymdy jıynǵa 100-den astam qatysýshylar kelgenin aıta ketken jón. Olardyń arasynda Qazaqstan, Reseı, Qytaı, Frantsııa, Chehııa, Malaızııa, Mońǵolııa, Brazılııa, Kanada, Úndistan, Shveıtsarııa, Izraıl jáne Birikken Arab Ámirlikteriniń ókilderi bar. «Bizdiń oblysymyz - elimizdegi ekonomıkalyq áleýeti óte úlken ındýstrııalyq-agrarlyq óńirlerdiń biri. Onyń ishinde ınvestıtsııa quıýǵa qolaıly basym baǵyttardyń birine agroónerkásiptik keshen de jatatynyn aıta ketkim keledi. Úsh jyldyń ishinde bul salaǵa 104 mıllıard teńge ınvestıtsııa salynsa, onyń 36 mıllıard teńgesi memleket tarapynan quıyldy»,- degen forým barysynda aımaq basshysy Danıal Ahmetov. Bul týraly tolyǵyraq gazettiń búgingi sanynda jaryq kórgen «Altaı Agro Invest-2015» atty maqaladan oqı alasyzdar.

Sondaı-aq bas basylymnyń habarlaýynsha, Aqtaý qalasynda salyqtan jaltaryp júrgen azamattardy uıaltýdyń jańa túri paıda bolǵan. Aqtaý qalasynyń kóshelerinde ádette jarnamalar ilinetin oryndarda qyzyqty bılbordtar paıda boldy. Onda birneshe adamnyń aty-jóni badyraıta jazylyp, kópshilik nazaryna usynylǵan. Bular kimder deısiz ǵoı? «Bul tizimdegiler memleketke tıisti salyǵyn tólemeı júrgen kásipkerler eken de, olardy áspettep qalanyń qaq ortasyna ilýshi - salyqtan jaltarýshylarmen jumys júrgizýde basqa amaly taýsylǵan, ıaǵnı olardy uıaltýdy kóksegen Aqtaý qalasy boıynsha memlekettik kiris basqarmasy eken», - dep jazady basylymy. Ázirge qalanyń tórt jerine ilingen bılbordtarda bes-besten kásipkerlerdiń aty-jónderi, týǵan jyldary naqty jazylǵan. Bılbordtardaǵy jeke kásipkerlerdiń árqaısysynyń bereshegi 1 mıllıon teńgeden astam bolyp shyqty. Bul jóninde tolyǵyraq «Uıaltýdyń joly osy» degen maqaladan oqı alasyzdar.

***

«Aıqyn» gazetiniń habarlaýynsha, Almaty oblysynyń ákimi Amandyq Batalov Almatyda Eýropalyq qaıta qurý jáne damý bankiniń Orta Azııa jáne Túrkııa Respýblıkasy boıynsha at­qa­rýshy dırektory Natalıa Hanjenkovamen Taldyqorǵan qalasyna gaz taratý júıesiniń qurylysyn qarjylandyrý jóninde memorandýmǵa qol qoıdy. Kelisim boıynsha qalaishilik gaz taratý jumystaryna bul bank 4,6 mlrd teńge bóletin boldy. Búginde «Al­maty - Taldyqorǵan» gaz qu­byry­nyń 210 shaqyrymy tartyl­dy. Keler jyly qalǵan 54 shaqy­rymy aıaqtalmaq. Jal­py, jaqyn arada Taldyqorǵan qala­sy kógildir otynmen tolyq qamtamasyz etilmek. Bul jóninde jáne Almaty oblysyndaǵy taǵy birqatar jaqsy jańalyqtar jóninde «Aıqyn» gazetindegi «Jetisý ónerdiń altyn besigi» atty toptamadan oqı alasyzdar.

Sonymen qatar «Aıqyn» gazetiniń habarlaýynsha, «Ulttyq chempıondar» baǵdarla­masynyń qatysýshysy «Shın-Laın» AQ Almaty oblysynyń Talǵar qalasynda ornalasqan «Kovcheg» balalar úıiniń tárbıelenýshilerimen kezdesip, balalarǵa jańa jyl merekesine oraı syılyqtar men túrli táttiler tartý etti. Bul kúni balmuzdaq óndirisi jáne osy salaǵa qajetti mamandyqtar týraly tanymdyq áńgime júrgizildi. Balalar kompanııanyń qyzmetimen onyń «Ulttyq chempıondar» baǵdarlamasyna qatysýdaǵy aldyn ala nátıjelerimen, alǵa qoıǵan josparlarymen tanysqan. «Ult jospary» 62-qadam, Ekonomıkanyń shıkizattyq emes salalaryndaǵy orta bıznestiń naqty kóshbasshy kompanııalaryn qoldaýǵa baǵyttalǵan «Ulttyq chempıondar» belsendiligin júzege asyrý, «Báıterek» holdıngi Elbasy N.Nazar­baev aıqyndap bergen 5 ınstı­týttyq reforma jáne «100 naqty qadam» baǵdarlamasyn júzege asyrý aıasynda ekonomıkanyń shıkizattyq emes salalaryndaǵy orta bıznestiń kóshbasshy kompanııalaryn qoldaýǵa baǵyttalǵan «Ulttyq chempıondar» baǵdarlamasyn júzege asyrýǵa kirisken bolatyn. Bá­sekege qabiletti sanalatyn atalmysh kompanııalar shuǵyl túrde jańa joba­lardy iske qosyp, eksportty arttyryp, ımportpen almastyryp jáne turǵyn­dardy jumyspen qamtamasyz ete alady» dep jazady basylym. Balalardyń qýanyshy týraly bul jańalyqty tolyǵyraq «Aıqyn» gazetiniń búgingi sanynda jaryq kórgen «Balmuzdaq kompanııasy balalardy qýantty» degen maqaladan oqı alasyzdar.

***

«Kazahstanskaıa pravda» basylymynyń habarlaýynsha, Astana qalasynda oqýshylar arasyndaǵy eń úzdik ınnovatsııalyq jobanyń avtorlary anyqtaldy. «Astanada Investıtsııa jáne damý mınıstrligi, Tehnologııalyq damý jónindegi ulttyq agenttik pen Qazaqstandaǵy Brıtan keńesiniń uıymdastyrýymen ótken «Oqýshylar arasyndaǵy eń úzdik ınnovatsııalyq joba» konkýrsynyń jeńimpazdary marapattaldy», dep jazady basylym. Úzdikterdiń jumystarymen tanys bolý úshin «Kazahstanskaıa pravda» gazetinde búgin shyqqan «Pervye shagı v naýký» atty maqalaǵa kóz júgirtińiz.