Úı jıhazdaryn arzan baǵada jasaıtynyn aıtyp, turǵyndardy aldaǵan stýdent qolǵa tústi

<p>Túrkistan oblysynda jıhaz jasaımyn dep áleýmettik jelide 4 jalǵan paraqsha ashyp, turǵyndardy aldaǵan stýdent jigit ustaldy. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://polisia.kz/aleumettik-zhelide-4-zhalghan-paraqsha-ashyp-turghyndardy-aldaghan-student-ustaldy/" target="_blank" rel="noopener">Polisia.kz</a>-ke silteme jasap habarlaıdy.&nbsp;</p>

Maqtaaral aýdandyq polıtsııa bólimine jergilikti turǵyn kómek surap, aryzdandy. Er adamnyń aıtýynsha, belgisiz bireý Instagram áleýmettik jelisinde úı jıhazyn jasap beretinin aıtyp, aqshasyn ıemdengen. Kelip túsken shaǵymǵa baılanysty jedel-izdestirý sharalaryna Cyberpol tobynyń tájirıbeli polıtsııa qyzmetkerleri jumyldyryldy. Júrgizilgen is-sharalardyń nátıjesinde Atyraý qalasynyń 20 jastaǵy turǵyny anyqtaldy. Ári qaraı tekserýler barysynda jigittiń stýdent ekeni jáne ol áleýmettik jelide 4 birdeı jalǵan paraqsha ashyp, turǵyndardy aldaǵany belgili boldy.

Maqtaaraldyq tergeýshiler stýdent jigittiń 10 adamdy aldap, 4 mıllıon teńge shyǵyn keltirgenin naqtylady. ıAǵnı, jas jigit instagram-da úı jıhazdaryn arzan baǵada jasaıtynyn aıtyp, jalǵan jarnamalar jasap oblystyń turǵyndaryn aldaǵan. Senim bildirgen azamattar jas jigittiń paraqshasyndaǵy jıhazdardyń sýreti arqyly tapsyrys berip, aqshany aldyn ala onlaın aýdarǵan.

Búginde QR QK-niń 190-baby 2-bóligi (Alaıaqtyq) boıynsha sotqa deıingi tergeý júrgizilip jatyr. Kúdikti jigittiń basqa da qylmystarǵa qatysy bar-joǵy tekserilip, oqıǵanyń tolyq mán-jaıy anyqtalyp jatyr.