Úı karantınin saqtamaǵan 4 myńnan astam adam anyqtaldy – elorda ákimi

NUR-SULTAN. QazAqparat – Ahyq júıesi elordada úı karantınin saqtamaı, qoǵamdyq oryndarǵa barǵan 4 myń adamdy áshkereledi. Bul týraly qala ákimi Altaı Kólginov Úkimet otyrysynda aıtty, dep habarlaıdy QazAqparat.

«Sońǵy aptada vırýs juqtyrý boıynsha 3500-ge jýyq jaǵdaı anyqtalyp, kúnine orta eseppen 500-ge jýyq jaǵdaı tirkeldi. Epıdemıologııalyq jaǵdaıdy turaqtandyrý úshin birqatar shara qabyldanyp, vaktsınatsııa jumystary kúsheıtildi. Birinshi jáne ekinshi komponentter boıynsha barlyǵy 365 myńnan astam ekpe júrgizildi. Basqa medıtsınalyq-sanıtarlyq kómek uıymdarynda 100-den astam vaktsınalaý pýnkteri jumys isteýde. Osyǵan qosa iri saýda ortalyqtarynda tıisti egý pýnkteri ashyldy. Іri kásiporyndarda, eńbek ujymdarynda vaktsınatsııamen qamtý úshin kóshpeli medıtsınalyq brıgadalar quryldy. Qazirgi tańda medıtsına qyzmetkerleriniń 90 paıyzdan astamy, kommýnaldyq qyzmet mekemeleriniń 70 paıyzdan astamy vaktsına alýda», - degen qala basshysy turǵyndardy yntalandyrý úshin túrli baǵaly syılyqtardyń utys oıyndaryn uıymdastyrý jalǵasyp jatqanyn atady.

Altaı Kólginovtiń aıtýynsha, qalada kúsheıtilgen karantındik shekteýlerdi saqtamaǵan zańdy tulǵalar 253 mln teńge aıyppul tólegen.

«Ahyq platformasynda 1300-ge jýyq kápkerlik sýbektisi tirkelgen. Nátıjesinde úı karantınin buzyp, qoǵamdyq oryndarǵa kirýge kelgen 4 myńnan astam adam anyqtaldy. Osyǵan qosa karantındik sharalardy saqtaý, baqylaý jónindegi monıtorıng toptary jumystaryn jalǵastyrýda. Ákimshilik jaýapkershilikke 253 mln teńgege 710 zańdy tulǵa jaýapqa tartyldy», - dedi ákim.