Úı almaq bolǵan Óskemen turǵyny alaıaqqa aldanyp, 3 mln teńgesinen aıyryldy

ÓSKEMEN. QazAqparat – Óskemen qalasynyń turǵynyn aldap soqqan alaıaq 3 mln teńge paıda kórgen, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, «102» jedel arnasyna 43 jastaǵy qala turǵyny qońyraý shalǵan.

Óz sózinde ol alaıaqqa aldanyp, 3 mln teńgesinen aıyrylǵanyn jetkizdi.

Jedel-izdestirý sharalaryn júrgizgen polıtsııa qyzmetkerleri 25 jastaǵy er adamdy ustady. Jaýap alý barysynda kúdikti óz kinásin moıyndaǵan.

«Belgili bolǵandaı, ol buryn bankte jumys istegen. Úı alyp beremin dep áıeldi sendirip, aqsha qolyna tıgen soń múlde habar-osharsyz ketti. Alaıaqqa qatysty kelý týraly mindetteme túrindegi bultartpaý sharasy tańdaldy», - delingen aqparatta.

Atalǵan fakti boıynsha QR QK-niń 190-baby 2-bóligine (Alaıaqtyq) sáıkes sotqa deıingi tergeý amaldary bastaldy.

Er adam 4 jylǵa deıin bas bostandyǵynan aıyrylýy múmkin.

Esterińizge sala ketsek, osyǵan deıin Óskemende jeńil kólik pen «jedel járdem» soqtyǵysyp, 5 adam zardap shekkenin habarlaǵan edik.