UWW Sultan Ásetulyn qazan aıynyń úzdik balýany dep atady

<p>Birikken kúres álemi (UWW) qazaqstandyq grek-rım kúresiniń sheberi Sultan Ásetulyn qazan aıynyń úzdik balýany dep atady, dep habarlaıdy <a href="https://kaz.inform.kz/" target="_blank" rel="noopener">Kazinform.</a>&nbsp;&nbsp;</p>

Sultan Ásetuly (67 keli) jaqynda Albanııa astanasy Tıranada Olımpıada baǵdarlamasyna engizilgen kúres túrlerinen 23 jasqa deıingi jastar arasynda ótken álem chempıonatynda jeńimpaz atanǵan edi.

Jambyl oblysynda dúnıege kelgen balýan dúbirli dodada fınalǵa deıin ýkraınalyq Oleg Halılov, ıtalııalyq Stıv Momılıa, reseılik Mýslım Imadaev, ázerbaıjandyq Hasan Mammadlıdi qapy qaldyrdy.

Ol fınalda túrkııalyq Mustafa Iyldyrymdy 2:1 esebimen jeńdi. Osylaısha Sultan Ásetuly 23 jasqa deıingi sanatta qazaqstandyq balýandar arasynda tuńǵysh əlem chempıony atandy.