Ýtılalymdy joıý eski kólikterdiń kóbeıýine ári ekologııanyń nasharlaýyna ákeledi — Roman Sklıar

<p>ASTANA. KAZINFORM - Qazirgi tańda Qazaqstanda 20 mln turǵynǵa shaqqanda 5 mln-nan astam avtomobıl bar. Barlyq kedergilerdi, sonyń ishinde 3 jyldan asqan avtomobılderge tirkeý alymyn alyp tastaý eski mashınalardyń elimizge kóptep jetkizilýine, ekologııalyq jaǵdaıdyń edáýir nasharlaýyna ákelip soǵady. Bul týraly birinshi vıtse-premer Roman Sklıar&nbsp;<a href="https://primeminister.kz/" target="_blank" data-entity-type="MessageEntityUrl" rel="noopener">Primeminister.kz saıtyna</a> bergen suhbatynda aıtty.</p>

«Adamdardan «Siz osyndaı eski kólikterden bólinetin zııandy gazben demalǵyńyz kele me?» dep suraý kerek. Barlyq pikir eskerilýi qajet. Sondaı-aq bizdiń zaýyttarǵa baryp, onda jumys isteıtin adamdarmen sóılesýge keńes berer edim. Kásiporyndarda lokalızatsııa óte joǵary, onyń ishinde bul aýylsharýashylyq tehnıkasyna qatysty: barlyq qondyrmalar, tirkeme jabdyqtary, kabınalar dánekerleý, boıaý, kesý, ıildirý boıynsha tehnıkalyq operatsııalar júzege asyrylady.

Bizdiń basty mindetimiz — lokalızatsııany arttyrýǵa umtylý. Úkimettiń qazirgi alǵa qoıǵan maqsaty — elimizge múmkindiginshe kóp paıda ákelý úshin ilespe óndiristerdi qurý. Ótken jyly otandyq avtoóndirýshiler 142 myń avtomobıl shyǵardy. Osy jańa kólikterdi satyp alǵandar ýtılızatsııalyq alym tólegen joq. Biz árbir azamat ósý benefıtsıary bolyp tabylatyn óz óndirisimiz ben ónerkásibimizdiń damýyn yntalandyramyz», — dep atap ótti Roman Sklıar.