Ýtıl alymynyń tómendeýi sheteldik kólikterdiń baǵasyn arzandatady - dıstrıbıýter
«Shetelde óndirilgen kólikterge belgilengen ýtılızatsııalyq alym mólsherin 50 paıyzǵa deıin azaıtý jóninde sheshim qabyldanǵanyn estidik. Biz muny oń tendentsııa dep baǵalap otyrmyz. Sebebi biz ımporttaıtyn Subaru avtokólikterine burynǵy mólsherleme boıynsha orta eseppen 1,5 mln teńge ýtılızatsııalyq alym tóleıtin edik. Endi mólsherlemeni 50 paıyz tómendetse, onyń kólemi 750 myń teńge bolady. Bul bizdiń Subaru-dyń baǵasy osy somaǵa arzandaıdy degen sóz. Prezıdent myrza «Halyq únine qulaq asatyn memleket quramyz» dep aıtyp jatyr ǵoı. Sol qaǵıdat boıynsha halyq talabyn estip, ýtıl alym mólsherin 50 paıyzǵa deıin qysqartty. Ol oń nátıje beredi degen úmitimiz bar», - dedi ımporttaýshy kompanııanyń basshysy
Seriktestik dırektory ýtılızatsııalyq alymnyń jańa mólsherleri resmı kúshine engen kúnnen bastap óz kólikteriniń baǵasy arzandaıtynyna senimdi.
«Ýtılızatsııalyq alymnyń jańa mólsherlemesi qashan kúshine enetinin ázirge bilmeımiz. Resmı aqparat kútip otyrmyz. Jańa mólsherleme kúshine engennen keıin baryp «Jasyl damý» uıymyna alym tóleı bastaımyz. Sodan keıin baryp bizdiń mashınalardyń baǵasy tómendeıdi», -dedi Aqylbek Anarbaev.
Keı sarapshylar ýtılızatsııalyq alym ishinara azaıtylǵanymen, kólik baǵasy arzandamaıtynyn aıtyp júr.
Ýtılızatsııalyq alymnyń burynǵy mólsherlemesinen únemdelgen qarajat dıstrıbıýterdiń qaltasynda marja retinde qalatyny aıtylǵan bolatyn.
Japonııalyq óndirýshiniń seriktesi ózderiniń mundaıǵa barmaıtynyn aıtty.
«Ondaıǵa barmaımyz. Men sizge sebebin aıtaıyn. Bizdiń baǵany Japonııadaǵy zaýyt tekserip otyrady. Ústine qosatyn marjamyzdy zaýyttyń ózi tikeleı baqylap otyrady. ıAǵnı, oıymyzǵa kelgen marjany qoıa almaımyz. Halyq sony túsinýi kerek. Japonııadaǵy óndirýshi álem boıynsha baǵany qadaǵalap otyrady. Mysaly, Qazaqstanda bir marja, Reseıge bólek marja bolýyna jol bermeıdi. Marjanyń paıyzy búkil elde birdeı bolýy kerek», -dep túsindirdi «SUBARU KAZAKHSTAN» JShS dırektory.