Ýtılalym tóńiregindegi daqpyrt áńgimeler – Roman Sklıar jiktep berdi

NUR-SULTAN. QazAqparat – QR Premer-Mınıstriniń birinshi orynbasary Roman Sklıar ýtılmalymǵa qatysty jurtshylyq arasynda júrgen daqpyrt áńgimelerge qatysty pikirin bildirdi, dep habarlaıdy, QazAqparat tilshisi.

«Barlyq istiń mán-jaıyn biletin ótirik sarapshylar taratatyn jalǵan feık bar. Olardyń jańylysyp júrgenderin ne bolmasa bireýlerdiń paıdasy úshin qasaqana isteıtinderin bilmeımin. Birinshi daqpyrt – bizde avtoónerkásip joq, tek dóńgelegin salamyz. Zaýyttarymyzdy aralap shyqqan qoǵam ókilderi, blogerler óte kóp boldy jáne olar kórgenderine kóńili toldy dep sanaımyn», dedi birinshi vıtse-spıker «Habar-24» telearnasyndaǵy «Suhbat» baǵdarlamasy barysynda.

Roman Sklıar ekinshi daqpyrt retinde avtoónerkásiptiń ýtılalym qarajaty esebinen sýbsıdııa alyp otyrǵandyǵy týraly aqparattardy atady.

«Sýbsıdııa dep ne atalady? Qarapaıym ǵana mysal keltireıin. Avtosalonda avtomobıl satylady. Onyń quny – 9 mln teńge. Avtodıler 1 mln teńge ýtılalym tólep, ony 10 mln teńgege satady. Al otandyq taýar óndirýshiler, onyń ishinde avtoónerkásip nemese aýyl sharýashylyǵy mashınasyn jasaýshylar ne isteıdi? Olar shaǵyn torapty nemese keń torapty jınalatyn mashınanyń jıyntyǵyn alyp keledi. Ony 9 mln teńgege satyp alyp, 1 mln teńge ýtılalym tóleıdi. Avtosalonda satý barysynda oǵan ROP-tan sol 1 mln teńgesi qaıtarylyp beriledi. ıAǵnı, aqshanyń formaldy aǵylýy júredi. Tólem qoıyldy – tólem alyndy. Biraq, ony qandaı da bir sýbsıdııa dep kórsetedi. Bizdiń avtoóndirýshiler kádege jaratý alymynan bosatylǵan»,- dedi Roman Sklıar.