Ústemeaqy barlyq orman jumysshysyna berilmedi – mınıstrlik jaýaby

<p>Ekologııa jáne tabıǵı resýrstar mınıstrligi orman jumysshylaryna ústemeaqy tóleý úshin qosymsha qarjy izdep jatyr, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Mınıstrlik atynan ústemeaqy 12 876 shtattaǵy qyzmetkerge (memlekettik orman kúzeti qyzmeti, tabıǵat qorǵaý mekemeleriniń memlekettik ınspektorlary, jáne janýarlar dúnıesin qorǵaý jónindegi mamandandyrylǵan uıymdardyń ınspektorlary, sondaı-aq balyq sharýashylyǵy kásiporyndarynyń qyzmetkerleri) kózdelgen. Qaýly jobasyn múddeli memlekettik organdarmen kelisý barysynda orman sharýashylyǵynyń shtattan tys qyzmetkerlerine joǵaryda atalǵan qoldaý kórsetilmeıdi. Óıtkeni olar azamattyq qyzmetshiler emes», - degen jaýap keldi Ekologııa mınıstrliginen Kazinform saýalyna.

Ekologııa mınıstrligi máseleni sheshý úshin orman sharýashylyǵy qyzmetshilerine jumys berýshiler men kásipodaq ókilderimen birlesip, shtattan tys jumysshylardyń jalaqysyn ulǵaıtý týraly kelisim jasasqan.

«Osyǵan baılanysty bıyl 10 qyrkúıekte 852,7 mln teńge kóleminde únemdelgen bıýdjet qarajaty qaıta bólindi. Bul 4 539 qyzmetshiniń ústemeaqy tóleý qajettiligin 1 shildeden 1 jeltoqsanǵa deıin jabýǵa múmkindik beredi. Ártúrli kózden qosymsha qarjy izdeý jumystary jalǵasyp jatyr», - deıdi vedomstvodan.