Kásipkerlerdiń quqyǵyn buzǵan: «SHYMKENT» ÁKK-ne 105 mıllıon teńge aıyppul salyndy

<p>ASTANA. KAZINFORM &ndash; &laquo;SHYMKENT&raquo; &laquo;Áleýmettik-kásipkerlik korporatsııasy&raquo; AQ kásipkerlerdiń quqyǵyn buzǵany úshin ákimshilik jaýapkershilikke tartylyp, 105 mıllıon teńge aıyppul salyndy. Bul týraly Shymkent qalasynyń prokýratýrasy jazdy.</p>

Shymkent qalasy prokýratýrasynyń qadaǵalaý aktisi boıynsha «SHYMKENT» «Áleýmettik-kásipkerlik korporatsııasy» AQ kásipkerlermen kelisimshart jasaý kezinde sharttyq mindettemelerdi tıisinshe oryndamaǵany úshin ártúrli paıyzdyq aıyppuldar qoldanǵany anyqtaldy.

Mysaly, JShS-niń birimen birlesken qyzmet týraly jasalǵan kelisimge sáıkes qurylys jumystaryn júrgizý kezindegi quqyq buzýshylyqtar úshin ÁKK 0,01% mólsherinde aıyppul tóleýdi mindettegen, al osyǵan uqsas buzýshylyqtar úshin basqa JShS-ge 5% qoldanylǵan.

Aıtarlyqtaı aıyrmashylyq pen ártúrli sharttardyń talaptaryn qoldaný kásipkerlerdiń quqyǵyn óreskel buzǵan.

Kásipkerlik kodekstiń 174-babyna sáıkes ústem jaǵdaıǵa ıe naryq sýbektileriniń basqa tulǵalardyń zańdy quqyqtaryn buzatyn áreketterine tyıym salynady.

Shymkent qalasynyń ákimshilik quqyq buzýshylyq ister jónindegi mamandandyrylǵan aýdanaralyq soty prokýratýranyń ýájderimen kelisip, ÁQBtK-niń 159-babynyń 3-1-bóliginde kózdelgen ákimshilik quqyq buzýshylyq jasaǵany úshin «Áleýmettik-kásipkerlik korporatsııasy» AQ kináli dep taýyp, 104,7 mln. teńge aıyppul saldy (naryq sýbektileriniń ústem jaǵdaıyn teris paıdalanýy).

Sot qaýlysy zańdy kúshine engen joq.