Ústem jaǵdaıdy teris paıdalanatyn saýda jelileri jazalandy - agenttik
«Áleýmettik mańyzy bar azyq-túlik taýarlary naryqtaryna toqtalsaq, básekelestikke qarsy kelisilgen áreketter jáne ústem nemese monopolııalyq jaǵdaıdy teris paıdalaný belgileri boıynsha baǵalardy tómendetý týraly 60 habarlama shyǵaryldy. Onyń ishinde, 50-i azyq-túlik taýarlaryna baǵalardy 5 paıyzdan 10 paıyzǵa deıin tómendetti. 8 tergep-tekserý jumystary bastaldy. Áleýmettik mańyzy bar azyq-túlik taýarlar baǵalarynyń ósýiniń apta saıynǵy serpini 0,6 paıyzdan mınýs 0,2 paıyzǵa deıin tómendedi», - dedi S. Jumanǵarın Úkimet otyrysynda.
Onyń aıtýynsha, Memleket basshysynyń kóterme saýda naryǵyna basty nazar aýdara otyryp, azyq-túlik taýarlarynyń barlyq baǵasy boıynsha deldaldyq shemalardy tekserý týraly tapsyrmasyn oryndaý aıasynda 13 taýar pozıtsııasy turǵysynda jumys júrgizilip jatyr.
«Ekinshi másele, saýda jeliler qyzmetine qatysty. Rıteıl naryǵyn taldaý aıasynda saýda ústemeaqysynyń negizdiligin keshendi túrde tekserilýi bastaldy. Saýda jelileriniń áleýmettik mańyzy bar azyq-túlik taýarlaryna saýda ústemeaqysyn 15 paıyzdan asyrǵandyǵy boıynsha 25 fakti anyqtaldy, osyǵan oraı jergilikti atqarýshy organdarǵa jaýapkershilikke tartý úshin materıaldar jiberildi. Baǵaǵa qatysty sóz baılasý jáne ústem jaǵdaıdy teris paıdalaný belgileri boıynsha 10 saýda jelisine qatysty sharalar qabyldandy. Saýda jelilerine qatysty jumys jalǵasýda. Eń iri respýblıkalyq jeli «Magným» («Magnum Cash@Carry» JShS) ózine áleýmettik mańyzy bar azyq-túlik taýarlaryna saýda ústemesin 15-ten 10 paıyzǵa deıin tómendetý týraly mindetteme aldy», - dedi agenttik basshysy.