Ústel tennısinen ACh: Qazaqstan erler quramasy 1/8 fınalǵa shyqty

<p>ASTANA. KAZINFORM &ndash; Qazaqstan erler komandasy astanada ótip jatqan ústel tennısinen Azııa chempıonatynda fınaldyq segizdikke joldama aldy.</p>

Erler arasyndaǵy komandalyq saıysta Qazaqstan quramasy Saýd arabııasymen birinshi dıvızıondaǵy fınaldyq segizdikti ózara sarapqa saldy.

Alǵashqy saıysta qazaqstandyq sportshy Kırıll Gerasımenko Saýd arabııalyq qarsylasy Álim Azzamdy 3:2 esebimen jeńdi.

Al ekinshi bolyp óner kórsetken Alan Qurmanǵalıev Tokıo olımpıadasynyń qatysýshysy Álı Ál-Hadraýıdy 3:2 esebimen qapy qaldyrdy.

Sheshýshi matchta Aıdos Kenjeǵulov qarsylasy Naıf ál-Jadıdy 3:0 esebimen tize búktirdi.

Osylaısha, Qazaqstan erler quramasy segiz myqty komandalar qataryna joldama aldy.

Aıta keteıik, Saýd Arabııasy birinshi dıvızıondaǵy alǵashqy saıysynda Taılandty 3:1 esebimen jeńgen bolatyn.

Eske sala ketsek, ústel tennısinen Azııa chempıonaty 7 qazan kúni astanadaǵy BEELINE ARENA Ulttyq tennıs ortalyǵynda jalaýyn kóterdi. Týrnırde 26 elden kelgen 210 sportshy baq synap jatyr. 

Qazaqstan quramasynyń oıynshylary: Kırıll Gerasımenko, Alan Qurmanǵalıev, Iskander Harkı, Aıdos Kenjeǵulov, Sanjar Jubanov, Sarvınoz Mırkadırova, Zaýresh Akasheva, Anastasııa Lavrova, Anel Baqyt, Angelına Romanovskaıa.