Parıj. KAZINFORM – Ústel tennısinen Ulttyq komandanyń kóshbasshysy Kırıll Gerasımenko Parıj Olımpıadasyndaǵy birinshi oıynda chılılik atlet Nıkolas Býrgospen sheberlik baıqasady. Sporttyń bul túrinen jarys 27 shildede bastalady.
Al, jarystyń 1/32 kezeńindegi Kırıll Gerasımenkonyń alǵashqy qarsylasy ITTF álemdik reıtınginde 58-orynda tur.
Barlyǵy erler arasynda medal úshin 67 sportshy synǵa túsedi.
Esterińizge sala keteıik, Kırıll Gerasımenko Azııadaǵy sportshylar arasynda eń joǵary oryndy ıelenip, qurlyq reıtıngi arqyly lıtsenzııa jeńip alǵan.
Otandasymyz osyǵan deıin Rıo-2016 jáne Tokıo-2020 Olımpıadasyna qatysqan.
Gerasımenko 1996 jyly 18 jeltoqsanda Astana qalasynda dúnıege kelgen. Parıjde ol ústel tennısinen el namysyn jalǵyz qorǵaıdy.
Kúnsultan Otarbaı
Eýrazııa Ulttyq ýnıversıtetiniń túlegi. Respýblıkalyq «Qazaq sporty», «Sport» gazetterinde qyzmet atqarǵan.
2014 jylǵy Sochı, 2016 jylǵy Rıo-De Janeıro, 2017 jylǵy Inchhon jáne 2024 jylǵy Parıj Olımpıadasynda, sonymen qatar bir qansha Qysqy jáne Jazǵy Azııa oıyndarynan, álem birinshilikterine baryp tikeleı habar taratqan jýrnalıst.
Seıdaqmet Berdiqulov atyndaǵy arnaıy syılyqtyń laýreaty.