Ústel tennısi: Astanadaǵy Azııa birinshiligine Olımpıada chempıondary kele jatyr

<p>ASTANA. KAZINFORM &ndash; <strong>6-13 qazan aralyǵynda Astanada ústel tennısinen XXVII Azııa chempıonaty ótedi, dep&nbsp;habarlaıdy Ulttyq olımpıadalyq komıtet.</strong></p>

Chempıonatqa Azııanyń barlyq úzdik oıynshylary qatysady. Aldaǵy Azııa chempıonatynda 26 elden barlyǵy 210 sportshy óner kórsetedi dep josparlanǵan. Atap aıtar bolsaq, Bahreın, Gonkong, Úndistan, Iordanııa, Iran, Iemen, Katar, Qytaı, Qytaılyq Taıpeı, KHDR, Qyrǵyzstan, Malaızııa, Maldıv, Mońǵolııa, Nepal, Oman, Pákistan, Saýd Arabııasy, Sıngapýr, Taıland, Ózbekstan, Fılıppın, Shrı-Lanka, Ońtústik Koreıa, Japonııa jáne Qazaqstan sportshylary ózara myqtyny anyqtaıdy.

Qatysýshylar arasynda komandalyq eseptegi Olımpıada chempıony, tórt dúrkin álem chempıony Qytaı sportshysy Van Chýtsın, komandalyq eseptegi Olımpıada oıyndarynyń kúmis júldegerleri Mıva Harımoto jáne Mıý Hırano (Japonııa), Olımpıadanyń altyn jáne kúmis júldegeri Sýn Insha (Qytaı), aralas juptyq syndaǵy Olımpıada chempıony Mıma Ito (Japonııa), komandalyq eseptegi Olımpıadanyń qola júldegeri Tomokazý Harımoto (Japonııa) bar.

Qazaqstan namysyn Rıo-2016, Tokıo-2020, Parıj-2024 Olımpıada oıyndarynyń qatysýshysy Kırıll Gerasımenko, 2020 jylǵy Olımpıadanyń qatysýshysy Anastasııa Lavrova, mıkstegi jastar arasyndaǵy álem chempıonatynyń jeńimpazy Alan Qurmanǵalıev, halyqaralyq týrnırlerdiń júldegerleri Sarvınoz Mırkadırova, Zaýresh Akasheva jáne basqa da sportshylar qorǵaıdy.